1 Ol heven i op long mipela, na mi lukim selesel kingdom bilong God, na glori bilong en, sapos mi stap insait long bodi o ausait mi no inap long save.

2 Mi bin lukim dispela narakain olgeta naispela lukluk bilong geit, thru long we ol dispela lain husat bai kisim dispela kingdom bai go insait, em i bin olsem lait bilong paia i raunim;

3 Na tu paia i lait long sia king bilong God, antap long en Papa na Pikinini Man i sindaun.

4 Mi lukim ol naispela tru rot bilong dispela kingdom, we i luk olsem i gat gol antap long en.

5 Mi lukim Papa Adam na Abraham; na papa bilong mi na mama bilong mi; na brata bilong mi Alvin, husat i bin silip long taim tru;

6 Na kirap nogut hau dispela i kamap olsem em i bin kisim wanpela ples bilong em insait long dispela kingdom, bikos olsem em i bin lusim dispela laip bipo Bikpela i bin putim han bilong em long bungim Israel long nambatu taim, na i no bin baptais long lusim sin.

7 Olsem nek bilong Bikpela i bin kam long mi, i tok: Olgeta husat i bin dai na nogat wanpela save long dispela gospel, husat i bin inap long kisim dispela sapos Bikpela i bin larim ol stap laip yet long dispela ples graun, bai kamap ol lain bilong kisim ples long dispela selesel kingdom bilong God;

8 Tu olgeta husat i nogat save long en na dai, husat bin inap long kisim dispela wantaim olgeta bel bilong ol, bai kamap ol lain bilong kisim ples long dispela kingdom;

9 Long wanem mi, Bikpela, bai jasim olgeta man long ol wok bilong ol, olsem long laik bilong ol bel bilong ol.

10 Na mi lukim tu olsem olgeta pikinini husat i dai bipo long ol i kamap long krismas bilong save long rait na rong Bikpela bai kisim bek ol long selesel kingdom bilong heven.