Seksen 13
Wanpela hap long dispela toktok i kam long histori bilong Joseph Smith em i toktok gen long odinesen bilong Profet na Oliver Cowdery long Eronik Prishud klostu long Harmony, Pennsylvania, long 15 Mei, 1829. Dispela odinesen i bin kamap long han bilong wanpela ensel husat i tokaut long em yet olsem Jon, dispela sem husat nem bilong em Jon bilong Baptais insait long Nupela Testamen. Dispela ensel i tok klia olsem em wok long wokim dispela wok aninit long dareksen bilong Pita, Jems na Jon, ol Aposol bilong bipo taim, husat i holim dispela ki bilong prishud dispela i antap moa, em ol i kolim Prishud bilong Melkisedek. Dispela promis Jon bilong Baptais i bin givim long Joseph na Oliver olsem long taim em i stret dispela prishud em i antap moa yet bai em i givim long tupela. (Lukim seksen 27:7–8, 12.)
Ol ki na pawa bilong dispela Eronik Prishud Jon bilong Baptais i givim i kam.
1 Antap long yutupela wokman bilong mi, long nem bilong Mesaia, mi givim long yutupela dispela Prishud bilong Aron, dispela i holim ol ki bilong ministering bilong ol ensel, na bilong gospel bilong pasin bilong tanim bel, na bilong baptais wantaim suim olgeta bodi i go insait long wara long lusim ol sin; na dispela prishud i bai no inap raus gen long dispela ples graun inap ol pikinini man bilong Livai givim wanpela ofa gen i go long Bikpela long stretpela pasin.