1 Harim gut, na lukim, olsem nek bilong wanpela husat i bin kam daun long antap, husat i gat strong na i gat pawa, husat go aut long olgeta hap bilong dispela ples graun, tru, husat nek bilong em bai go aut long ol manmeri—Redim rot bilong Bikpela, na stretim ol liklik rot bilong em.

2 Bikpela i promisim ol ki bilong kingdom bilong God long ol manmeri bilong dispela ples graun, na long hap bai gospel i go aut long olgeta hap bilong dispela ples graun, olsem ston nogat han i bin katim long maunten, gospel bai go aut long olgeta hap, inap em i pulumapim olgeta dispela ples graun.

3 Na tu, wanpela nek i krai—Yupela i redim rot bilong Bikpela, yupela i redim kaikai bilong Bikpela, mekim redim ol samting bilong Man bilong Marit.

4 Beten long Bikpela, singaut long holi nem bilong em, tokaut long ol gutpela wok bilong em namel long ol pipol.

5 Singaut long Bikpela, olsem bai kingdom bilong em inap go aut long olgeta hap antap long dispela ples graun, olsem ol lain bilong dispela ples graun bai kisim, na bai ol i redi long ol taim i kam, long taim Pikinini bilong Man bai kam daun long heven, na klos bilong em bai lait wantaim glori bilong em, long bungim kingdom bilong God dispela em i stap antap long dispela graun.

6 Na nau, kingdom bilong God inap go aut long olgeta hap, olsem kingdom bilong heven inap kam, olsem yu, O God, inap kisim glori long heven na tu long dispela ples graun, olsem bai em i gat pawa antap long ol birua bilong em; long wanem ona, pawa na glori, i bilong yu, long oltaim na oltaim. Amen.