Seksen 2
Wanpela hap tok i kam long histori bilong Joseph Smith i soim ol toktok bilong ensel Moroni i go long Profet Joseph Smith, taim em i stap long haus bilong papa bilong em long Manchester, New York, long nait bilong 21 Septemba, 1823. Moroni i bin laspela bilong ol longpela lain bilong ol lain i save raitim histori husat i bin mekim dispela rekot em i stap nau insait long dispela wol olsem Buk bilong Momon. (Lukluk tu long Malakai 4:5–6; na tu seksen 27:9; 110:13–16; na 128:18.)
1, Ilaija em i bai soim dispela prishud; 2–3, Ol bai planim ol promis bilong ol tumbuna insait long ol bel bilong ol tumbuna pikinini.
1 Lukim, mi bai soim dispela Prishud long yupela long han bilong profet Ilaija, pastaim long kamap bilong dispela traipela na samting bilong poret tru de bilong Bikpela.
2 Na em bai planim insait long ol bel bilong ol tumbuna pikinini ol promis em i bin mekim long ol tumbuna bilong ol, na ol bel bilong ol tumbuna pikinini bai tanim i go long ol tumbuna bilong ol.
3 Sapos dispela i no olsem, dispela olgeta ples graun bai pinis nating tru taim em i kam.