Seksen 83
Revelesen i go long Profet Joseph Smith, long Independence, Missouri, 30Â Epril, 1832. Dispela revelesen i bin kam taim Profet i sindaun long miting wantaim ol sios brata bilong em.
1–4, Ol meri na ol pikinini i gat rait long kisim sapot bilong ol man bilong ol na ol papa bilong ol; 5–6, Ol meri husat man bilong ol i dai pinis na ol pikinini nogat papamama i gat rait long kisim sapot long Sios.
1 Tru, olsem Bikpela i tok, wantaim tu ol dispela lo bilong sios long ol meri na ol pikinini, ol dispela lain husat i bilong dispela sios, husat i lusim pinis ol man o ol papa bilong ol;
2 Ol meri i gat rait long kisim sapot long ol man bilong ol long lukautim ol, inap ol man bilong ol i dai; na sapos ol i no brukim ol lo ol inap kamap memba bilong sios.
3 Na sapos ol i no stap wantaim feit ol bai no inap kamap memba bilong sios; tasol ol i ken stap tasol long ol graun bilong ol olsem ol lo bilong dispela graun.
4 Olgeta pikinini i gat rait long kisim sapot long ol papamama bilong ol long lukaut bilong ol inap ol i bikpela olgeta.
5 Na bihain long dispela, ol i gat rait long kisim sapot long lukaut bilong sios, o long tok narapela wei long stoahaus bilong Bikpela, sapos ol papamama bilong ol i no inap long givim ol long graun bilong ol.
6 Na sios i mas lukautim ol donesen bilong ol memba long dispela stoahaus; na sios i mas lukautim ol meri husat man bilong ol i dai pinis na ol pikinini husat nogat papamama na ol turangu lain tu. Amen.