Seksen 15
Revelesen i go long Profet Joseph Smith bilong John Whitmer, long Fayette, New York, long Jun 1829 (lukim het tok long seksen 14). Dispela toksave em i bilong bel na em i bilong yu tasol long wanem Bikpela i tokaut long dispela ol samting yu tasol John Whitmer na Em Yet i save. John Whitmer bihain taim i bin kamap olsem wanpela long ol Etpela Witnes bilong Buk bilong Momon.
1–2, Han bilong Bikpela i karamapim olgeta dispela ples graun; 3–6, Long autim toktok long gospel na kisim ol sol kambek em i samting em i bikpela moa yet.
1 Harim gut, wokman bilong mi John, na harim ol toktok bilong Jisas Krais, Bikpela na Ridima bilong yu.
2 Na lukim, mi tokim yu wantaim klia tingting na wantaim pawa bilong mi, long wanem han bilong mi i karamapim olgeta dispela ples graun.
3 Na bai mi tokim yu dispela samting nogat narapela man bai save tasol yu na mi tasol—
4 Long wanem planti taim yu save askim mi long save wanem samting em bai gutpela moa long yu.
5 Lukim, blesim yu long dispela samting, na long autim ol toktok bilong mi em mi bin givim yu wankain olsem ol komanmen bilong mi.
6 Na nau, lukim, mi tokim yu olsem dispela samting em bai gutpela moa long yu em long yu long tokaut long ol dispela manmeri long pasin bilong tanim bel, olsem yu ken bringim ol sol i kam long mi, olsem yu ken malolo wantaim ol long kingdom bilong Papa bilong mi. Amen.