Seksen 129
Ol toksave Profet Joseph Smith i gvim long Nauvoo, Illinois, 9Â Februeri, 1843, long tok save gut long tripela nambawan ki em trupela pasin bilong yumi long luksave long ol ensel na spirit bilong minista.
1–3, Long heven i gat ol bodi we ol i kirap bek pinis na ol spirit bodi; 4–9, Jospeh Smith i givim ol ki olsem bai yumi inap long luksave long ol mausman long narapela sait bilong vel.
1 I gat tupela kain lain long heven, dispela em: Ol ensel, ol lain husat i bin kirap bek pinis, husat i gat bodi na ol bun
2 Long eksampol, Jisas bin tok: Holim mi na lukim, long wanem spirit i nogat bodi na ol bun, olsem yupela i lukim mi gat.
3 Nambatu: ol spirit bilong ol strepela man i kamap stretpela tru, ol husat i no kirap bek, tasol i kisim wankain glori.
4 Taim wanpela mausman i kam na i tok olsem em i gat wanpela toksave i kam long God, ofaim em han bilong yu na askim em long sekhan wantaim yu.
5 Sapos em i wanpela ensel em bai wokim dispela, na yu bai pilim han bilong em.
6 Sapos em i spirit bilong wanpela stretpela man i bin kamap stretpela tru em bai kam long glori bilong em; long wanem dispela em i wanpela wei tasol we em inap soim em yet—
7 Askim em long sekhan wantaim yu, tasol em bai no inap long muv, long wanem em i no wankain long oda bilong heven long wanpela stretpela man long giaman; tasol em bai givim yet toksave bilong em.
8 Sapos em i satan na soim em yet olsem wanpela ensel bilong lait, taim yu askim em long sekhan em bai givim han bilong em, na yu bai no inap long pilim wanpela samting; olsem yu inap save.
9 Dispela em ol tripela nambawan ki we yu bai inap long save sapos wanpela toktok i kam long God.