1 Tru, mi tokim yupela, ol poroman bilong mi, lukim, mi bai givim long yupela wanpela revelesen na komanmen, olsem yupela inap long save hau long bihainim wanem kain pasin long wokim ol wok bilong yupela long salvesen na ridemsen bilong ol brata bilong yupela, husat bin go nambaut long dispela ples Zion;

2 Long han bilong ol birua bilong mi ol i wok long ronim na paitim ol seint, mi bai kapsaitim belhat bilong mi we i bikpela stret long ol long taim bilong mi yet.

3 Long wanem mi bin larim ol birua inap nau, olsem ol inap long pulumapim skel bilong ol sin bilong ol, olsem kap bilong ol inap long pulap olgeta;

4 Na olsem ol dispela lain husat i kolim ol yet bihain long nem bilong mi inap long mekim save long ol long wanpela liklik taim wantaim wanpela bikpela pen na bikpela pen nogut tru, long wanem olgeta wantaim i no bin harim gut ol lo na komanmen em mi bin givim long ol.

5 Tasol tru mi tokim yupela, olsem mi bin tokaut long wanpela tokaut we ol pipol bilong mi bai luksave, inap olsem ol i harim gut long dispela aua stret, long dispela kaunsel em mi, Bikpela God bilong ol, bai givim long ol.

6 Lukim ol bai stat long win agensim ol birua bilong mi long dispela aua stret, long wanem mi bin tokaut long en.

7 Na long harim gut long luksave olgeta tok em mi, Bikpela God bilong ol, bai tokim ol, ol bai no inap long stop long win inap dispela kingdom bilong dispela wol i nogat pawa aninit long lek bilong mi, na dispela ples graun i go long ol seint, long kisim em long oltaim na oltaim.

8 Tasol inap olsem ol i no holimpas ol komanmen bilong mi, na i no harim gut long luksave olgeta tok bilong mi, dispela ol kingdom bilong dispela wol bai win agensim ol.

9 Long wanem ol i bin stap long kamap wanpela lait i go long dispela wol, na long kamap ol sevia bilong man;

10 Na inap olsem ol i no ol sevia bilong man, ol i kamap olsem sol dispela i lusim teist bilong en, na long dispela taim i go i no gutpela long wanpela samting tasol bai ol i tromoim i go aut na krungutim aninit long lek bilong man.

11 Tasol tru mi tokim yupela, mi bin tokaut long en olsem ol brata bilong yupela husat bin bruk nambaut bai kambek long ol graun bilong ol, na bai kamapim ol ples nating bilong Zion.

12 Long wanem bihain long planti bikpela pen, olsem mi bin tokim yupela long wanpela komanmen bipo, blesing bai kam.

13 Lukim, dispela em i blesing em mi bin promisim bihain long ol bikpela pen bilong yupela, na dispela ol bikpela pen bilong ol brata bilong yupela—ridemsen bilong yupela, na ridemsen bilong ol brata bilong yupela, na tu kambek gen bilong ol long dispela ples long Zion, long kamapim sindaun bilong ol, ol birua bilong ol bai no inap long tromoim ol i go daun gen.

14 Tasol, sapos ol i bagarapim ol graun na ol narapela samting bilong ol, bai ol pundaun; long wanem mi no inap long lusim ol sapos ol i bagarapim ol graun na ol narapela samting bilong ol.

15 Lukim, mi tokim yupela, dispela ridemsen bilong Zion i mas nid long kam long pawa;

16 Olsem na, mi bai redim na givim wanpela man long ol pipol bilong mi, husat bai lidim ol wankain olsem Moses i bin lidim ol pikinini bilong Israel.

17 Long wanem yupela pikinini bilong Israel, na bilong pikinini diwai bilong Abraham, na yupela i mas nid long kamaut long kalabus wantaim pawa, na wantaim han i putim go aut.

18 Na olsem Moses i bin lidim ol papa bilong yupela long nambawan taim, olsem tu dispela ridemsen bilong Zion bai kamap.

19 Olsem na, noken larim ol bel bilong yupela hap idai, long wanem mi no tokim yupela olsem mi bin tokim ol papa bilong yupela: Ensel bilong mi i bai go antap pastaim long yupela, tasol i no stap bilong mi.

20 Tasol mi tokim yupela: Ol ensel bilong mi bai go antap pastaim long yupela, na tu stap bilong mi, na bihain long sampela taim yupela bai kisim dispela ol gutpela graun.

21 Tru, tru mi tokim yupela, olsem wokman bilong mi Joseph Smith, Jnr., em i dispela man husat mi skelim olsem dispela wokman long husat Bikpela bilong wain gaden i bin toktok long em insait long dispela tokpiksa em mi bin givim long yupela.

22 Olsem na larim wokman bilong mi Joseph Smith Jnr., tokim strong bilong haus bilong mi, ol yangpela man na ol lapun—Bungim yupela yet wantaim long dispela ples Zion, antap long dispela graun we mi bin baim wantaim dispela mani ol lain i bin givim long mi.

23 Na larim olgeta sios salim i kam ol man wantaim gutpela save wantaim mani bilong ol, na baim ol graun olsem mi bin tok strong long ol.

24 Na inap olsem ol birua bilong mi i kam agensim yupela long rausim yupela long gutpela graun bilong mi, em mi bin givim long kamapim dispela ples Zion, tu long ol graun bilong yupela yet bihain long ol dispela testimoni, em yupela bin bringim long ai bilong mi agensim ol, yupela bai tok nogutim ol;

25 Na husat yupela i tok nogutim, mi bai tok nogutim, na yupela bai bekim pe nogut long ol birua bilong mi.

26 Na stap bilong mi bai stap wantaim yupela tu taim yupela i bekim pe nogut bilong ol birua bilong mi, i go long nambatri na nambafo tumbuna pikinini bilong ol husat i no laikim mi tru.

27 Noken larim wanpela man i poret long givim laip bilong em long nem bilong mi; long wanem husat man i givim laip bilong em long nem bilong mi bai painim gen.

28 Na husat man i no laik long givim laip bilong em long nem bilong mi i no disaipol bilong mi.

29 Em i laik bilong mi olsem wokman bilong mi Sidney Rigdon bai litimapim nek bilong em long ol kongrigesen long ol is kauntri, long redim ol dispela sios long holimpas ol komanmen em mi bin givim ol long kambek gen na ridemsen bilong Zion.

30 Em i laik bilong mi olsem wokman bilong mi Parley P. Pratt na wokman bilong mi Lyman Wight i mas noken kambek long dispela ples bilong ol brata bilong ol, inap ol i kisim ol grup long go antap long dispela ples long Zion, long wanpela ten, o long tupela ten, o long faivpela ten, o long wan handred, inap ol i kisim namba faiv handred long strong bilong haus bilong mi.

31 Lukim dispela em i laik bilong mi; askim na yupela bai kisim; tasol planti taim ol man i no save wokim laik bilong mi.

32 Olsem na, sapos yupela i no inap long kisim faiv handred, painim wantaim olgeta strong olsem sapos i gat sans yupela bai inap long kisim tri handred.

33 Na sapos yupela i no inap long kism tri handred, painim wantaim olgeta strong olsem sapos i gat sans yupela bai inap long kisim wan handred.

34 Tasol tru mi tokim yupela, wanpela komanmen mi givim yupela, olsem yupela bai no inap long go antap long ples Zion inap yupela i kisim wan handred long dispela strong bilong haus bilong mi, long go antap wantaim yupela long ples Zion.

35 Olsem na, olsem mi bin tokim yupela, askim and yupela bai kisim; beten wantaim laik olsem sapos i gat sans wokman bilong mi Joseph Smith, Jnr., inap long go wantaim yupela, na bosim ol pipol bilong mi, na ogenaisim kingdom bilong mi antap long dispela graun mi givim, na kamapim ol pikinini bilong Zion antap long ol lo na ol komanmen dispela em i bin stap na dispela mi bai givim long yupela.

36 Olgeta win bilong pait na glori i kamap long yupela long strong bilong yupela, long feit bilong yupela, na ol beten bilong feit bilong yupela.

37 Larim wokman bilong mi Parley P. Pratt raun wantaim wokman bilong mi Joseph Smith, Jnr.

38 Larim wokman bilong mi Lyman Wight raun wantaim wokman bilong mi Sidney Rigdon.

39 Larim wokman bilong mi Hyrum Smith raun wantaim wokman bilong mi Frederick G. Williams.

40 Larim wokman bilong mi Orson Hyde raun wantaim wokman bilong mi Orson Pratt, wanem hap wokman bilong mi Joseph Smith Jnr., bai kaunsel wantaim ol, long kisim kamap tru bilong ol dispela komanmen em mi bin givim long yupela, na lusim olgeta narapela samting long han bilong mi. Em tasol. Amen.