Ol Tokaut Bilong Gavman Bilong Sios 1
Baibel na Buk bilong Momon tis olsem kastom bilong marit long wanpela man o meri tasol em i standad bilong marit inap tasol Em i tokaut long en olsem i narakain (lukim 2 Samyuel 12:7–8 na Jekop 2:27, 30). Bihainim wanpela revelesen i go long Joseph Smith, dispela pasin bilong man i maritim planti meri Bikpela i bin kamapim namel long ol Sios memba long pastaim tru long ol yia long 1840 (lukim seksen 132). I kam long ol yia 1860 i go long ol yia 1880, United States gavman i bin putim ol lo long mekim dispela pasin insait long ol lotu i agensim lo. Bihain tru Suprim Kot long U.S i bin sapotim ol dispela lo. Bihain long em i bin kisim revelesen, Presiden Wilford Woodruff bin salim aut dispela Toksave, we Sios bin kisim olsem wanpela toksave i gat atoriti na olgeta mas holimpasim, long 6 Oktoba, 1890. Dispela i bin lid i go long pinis bilong dispela pasin bilong man i maritim planti meri insait long Sios.
Long Olgeta Husat Bai Ridim Dispela:
Ol ripota bin salim pinis ol niuspepa stori, i kam long Salt Lake City, wantaim as tingting bilong politik, we dispela i go aut pinis long pablik, dispela i tok olsem Utah Komisin, long las ripot bilong ol i go long Sekretari bilong Wok insait long Kauntri, tok olsem pasin bilong man i maritim planti meri ol sios lida wok long wokim yet olsem wanpela sios seremoni na olsem fopela ten o moa long dispela kain marit ol memba bilong sios i wok long wokim yet long Utah long las Jun o long dispela laspela yia, na tu olsem long ol pablik toktok ol lida bilong Sios bin tisim, enkarijim na tok strong long ol sios memba long go het wantaim dispela pasin bilong man i gat planti meri—
Olsem na, mi, olsem Presiden bilong Sios bilong Jisas Krais bilong ol Seint long Las de, thru long dispela, long wanpela sirias pasin tru, tokaut olsem ol dispela sas ol i no tru. Mipela no tisim pasin bilong man i gat planti meri o pasin bilong man i maritim planti meri, na tu i no larim wanpela man long go insait long pasin bilong en. Na mi dinaim olsem sampela fopela ten o ol narapela namba long ol man i maritim plant meri i bin long dispela taim bin gat sios seremoni insait long ol Temple bilong mipela o long sampela narapela ples insait long dispela Teritori.
Wanpela bilong ol dispela problem sampela lain i bin ripotim, long we dispela ol lain bin tok olsem dispela marit wanpela lida bilong Sios i bin wokim insait long Endowment House, long Salt Lake City, long Spring bilong 1889, tasol mi no bin inap long painim aut husat i bin wokim dispela seremoni; wanem samting ol i bin mekim em mi no bin save long en. Bikos long dispela samting ol i bin tok i bin kamap, mi bin givim oda olsem dispela Endowment House ol i bin pulim kamdaun streit wei.
Bikos Kongres i bin putim ol lo pinis bilong tambuim ol marit we man i gat planti meri, we ol dispela lo bikpela kot i bin tokaut pinis olsem ol i kamap lo, olsem na mi tokaut long tingting bilong mi long stap aninit long ol dispela lo, na yusim olgeta pawa bilong mi long ol memba bilong Sios long husat mi bos long en long mekim ol long mekim wankain samting.
I nogat wanpela samting long ol tising bilong mi i go long Sios o ol tising bilong ol wanwok bilong mi, long dispela taim yumi wok long toktok i stap, we wanpela i ken kisim olsem dispela i stret long putim antap o strongim bel long dispela pasin bilong man long maritim planti meri; na taim wanpela Elda bilong Sios bin yusim tokples we i luk olsem i wok long toktok long dispela kain tising; ol lida bilong Sios bai kwiktaim tru hatim em. Na nau mi tokaut long pablik olsem kaunsel bilong mi long ol Lata-de Seint em long stop long wokim ol marit we lo bilong dispela ples i tambuim.
Wilford Woodruff
Presiden bilong Sios bilong Jisas Krais
bilong ol Seint long Las de.
Presiden Lorenzo Snow i ofaim dispela toktok hia:
“Mi muvim olsem, bikos yumi luksave long Wilford Woodruff olsem Presiden bilong Sios bilong Jisas Krais bilong ol Seint long Las de, na wanpela man tasol long dispela ples graun long dispela taim husat i holim ol ki bilong ol siling odinens, yumi luksave long em olsem man i gat atoriti antap long posisen bilong em long givim aut dispela Toksave we ol i bin ridim aut long harim bilong yumi, na dispela em 24 Septemba, 1890, na long dispela olsem Sios i bung insait long Jenerol Konferens yumi kisim tokaut bilong em long pasin bilong marit we man i gat planti meri olsem i gat atoriti na olgeta mas holimpasim.”
Salt Lake City, Utah, 6 Oktoba, 1890.
Ol Hap Toktok i kam long Tripela Toktok bilong
Presiden Wilford Woodruff
Long dispela Toksave
Bikpela bai no inap long wanpela taim larim mi o wanpela narapela man husat i sanap olsem Presiden bilong dispela Sios long lidim yupela long go wokim ol rong samting. Dispela i no i stap long dispela progrem. Dispela i no i stap long tingting bilong God. Sapos mi laik long traim dispela, Bikplea bai rausim mi aut long ples bilong mi, na olsem Em i bai wokim long wanpela narapela man husat i bai traim long lidim ol pikinini bilong man long go wokim ol rong samting long ol tok bilong God na long wok bilong ol. (Sikspela ten wan Semienuel Jenerol Konferens bilong Sios, Mande, 6 Oktoba, 1890, Salt Lake City, Utah. Ol i ripotim long Deseret Evening News, 11 Oktoba, 1890, p. 2.)
Em i no impoten husat i stap laip na husat i dai, o husat Bikpela i singautim long lidim dispela Sios, ol i mas lidim en wantaim gutpela tingting long God I Gat Olgeta Strong. Sapos ol i no wokim dispela long dispela wei, ol bai no inap long wokim long wanpela wei. …
Mi bin gat sampela revelesen i no long taim i go pinis, na ol dispela i impoten tru long mi, na mi bai tokim yupela wanem Bikpela i bin tokim mi. Larim mi bringim long ol tingting bilong yupela long wanem em ol i kolim dispela toksave. …
Bikpela i bin tokim mi long askim ol Lata-de Seint long wanpela askim, na Em i tokim mi tu olsem sapos ol bai harim wanem mi bin tokim ol na bekim dispela askim mi putim i go long ol, wantaim Spirit na pawa bilong God, olgeta bai bekim wankain, na ol bai olgeta bilip wankain long dispela samting.
Dispela askim em i olsem: Wanem em i wei wantaim gutpela save bilong ol Lata-de Seint long bihainim—long go het long traim long wokim dispela pasin we man i gat planti meri, wantaim ol lo bilong dispela nesen agensim dispela na birua bilong sikspela ten milion pipol, na bai kamap wantaim sakripais bilong Gavman bilong United States long kisim ol temple na yumi bai lusim olgeta Temple, na dispela bai stopim olgeta odinens long ol, tupela wantaim bilong ol lain i stap laip and ol lain i dai pinis, na Nambawan Presidensi bai go kalabus na ol Twelpela na ol hetman bilong ol famili insait long dispela Sios, na bai Gavman bilong United States bai kisim olgeta samting bilong ol pipol (olgeta dispela samting yet bai stopim dispela pasin); o, bihain long ol samting yumi bin wokim na kisim hevi thru long harim tok bilong yumi long dispela prinsipol, long stopim dispela pasin na harim tok bilong lo, na thru long wokim dispela bai yumi lusim ol Profet, ol Aposol na ol papa long ol hom, olsem bai ol inap long givim skul long ol pipol na wokim ol wok bilong Sios, na tu lusim ol Temple long ol han bilong ol Seint, olsem bai ol inap long wokim ol odinens bilong Gospel, tupela wantaim bilong ol lain i stap laip na ol lain i dai pinis?
Bikpela i soim mi long driman na revelesen long wanem stret bai kamap sapos yumi i no stopim dispela pasin. Sapos yumi i no bin stopim, yupela bai nogat nid long … wanpela bilong ol man long dispela temple long Logan; long wanem olgeta odinens bai stop long olgeta hap long ples Zion. Longlong pasin bai bos long olgeta Israel, na US Gavman bai putim planti man long kalabus. Dispela trabel bai kam antap long olgeta Sios, na mipela i bin mas kirapim strong long stopim dispela pasin. Nau, askim em olsem, sapos mipela bai stopim long dispela wei, o long wei Bikpela i soim aut long mipela, na lusim ol Profet na Aposol bilong yumi na ol papa olsem ol fri man, na ol temple long ol han bilong ol pipol, olsem bai ol lain husat i dai pinis inap kisim ridemsen. Ol dispela pipol i wokim wok na bikpela namba i kamap fri pinis long kalabus haus long spirit wol, na bai dispela wok i go het yet o bai stop? Dispela em askim mi putim go daun long ai bilong ol Lata-de Seint. Yupela mas jasim long save bilong yupela yet. Mi laikim yupela long bekim dispela bilong yupela yet. Mi bai no inap long bekim bilong yupela; tasol mi tok long yupela olsem dispela em i olsem stret dispela stap yumi olsem wanpela pipol bin inap long stap long en sapos yumi no bin kisim dispela rot yumi kisim.
… Mi lukim stret wanem samting bai kamap sapos Sios i no wokim wanpela samting. Mi bin gat dispela spirit antap long mi long longpela taim. Tasol mi laik tokaut long dispela: Mi bin inap long larim olgeta temple go aut long ol han bilong yumi; mi bin inap long go long kalabus mi yet, na larim olgeta narapela man long go long hap, sapos God bilong heven i no bin tok strong long mi long wokim dispela we mi bin wokim; na taim dispela aua bin kamap we Bikpela bin tok strong long mi long wokim dispela, dispela bin kamap klia olgeta long mi. Mi bin go long ai bilong Bikpela, na mi bin raitim wanem Bikpela bin tokim mi long raitim. …
Mi lusim dispela wantaim yupela, long yupela long tingim na lukluk long dispela. Bikpela i wok long wok wantaim mipela. (Cache Stake Konferens, Logan, Utah, Sande, 1 Novemba, 1891. Dispela ol i bin ripotim long Deseret Weekly, 14 Novemba, 1891.)
Nau mi bai tokim yupela wanem samting Bikpela i bin soim aut long mi na wanem samting Pikinini Man bilong God i bin wokim long dispela samting. … Olgeta dispela ol samting i bin mas kamap, olsem God I Gat Olgeta Strong i stap laip, sapos Pikinini Man bilong God i no bin givim dispela Toksave. Olsem na Pikinini Man bilong God bin pilim laik long givim dispela samting long Sios na long dispela wol long ol as tingting bilong em yet. Bikpela bin tokaut long kamap bilong Zion. Em i bin tokaut long yumi i mas pinisim dispela temple. Em i bin tokaut olsem salvesen bilong ol lain i stap laip na ol lain husat i dai pinis ol memba bilong Sios i mas larim long kamap long ol daunples bilong ol maunten. Na God I Gat Olgeta Strong i bin tokaut olsem Satan bai no inap long stopim dispela. Sapos yupela inap long save gut long dispela, dispela em ki bilong dispela. (I kam long toktok long namba siks sesin bilong dedikesen bilong Salt Lake Temple, Epril, 1893. Rekot ol i bin taipim long taipraita bilong ol Dedikesen Lotu, Akkaiv, Histori Dipatmen bilong Sios, Salt Lake City, Utah.)