Seksen 131
Ol toksave i kam long Profet Joseph Smith, long Ramus, Illinois, 16 na 17Â Mei, 1843.
1–4, Selesel marit em i impoten long eksaltesen long dispela heven i antap tru; 5–6, Joseph Smith i toktok long hau bai ol manmeri kisim siling i go long oltaim oltaim laip; 7–8, Olgeta spirit i gat bodi samting.
1 Insait long selesel glori i gat i stap tripela heven o tripela hap;
2 Na long kisim dispela heven antap tru, wanpela man i mas go insait long dispela oda bilong prishud, em i minim olsem dispela nupela na oltaim oltaim kavanen bilong marit;
3 Na sapos em i no wokim, em i no inap long kisim dispela.
4 Em i ken go insait long narapela, tasol dispela em i pinis bilong kingdom bilong em; em i no inap kisim wanpela samting moa.
5 (17Â Mei, 1843.) Dispela klia moa toktok bilong profesi i minim olsem wanpela man i ken save olsem em i kisim siling bilong laip oltaim oltaim, thru long revelesen na spirit bilong profesi, thru long pawa bilong dispela Holi Prishud.
6 Em i no inap long wanpela man long kisim salvesen taim em i no klia na mekim.
7 I nogat wanpela kain samting olsem samting i nogat bodi. Olgeta spirit i gat bodi samting, tasol dispela i liklik tru o piua, na wanpela inap tasol long lukim gut wantaim ai we i piua moa;
8 Yumi no inap long lukim dispela; tasol taim ol bodi bilong yumi i kamap piua yumi bai lukim olsem dispela olgeta em i bodi samting tasol.