1 Long silim testimoni bilong dispela buk na Buk bilong Momon, mipela tokaut long dai dai bilong Profet Joseph Smith, na Petriak Hyrum Smith. Wanpela raskol grup—penim ol yet bilak—namel long 150 i go long 200 man nambaut husat, i bin sutim ol long Carthage kalabus, long 27 de bilong Jun, 1844, klostu long faiv kilok long avinun. Ol i bin sutim Hyrum pastaim na em i pundaun isi tasol, na tok: Mi wanpela dai man! Joseph i bin kalap long windo, na ol i bin sutim em i dai taim em i traim long kalap, na tok: O Bikpela God bilong mi! Ol i sutim tupela wantaim gen bihain long ol i bin dai pinis, long pasin bilong hangre long kilim man, na tupela wantaim i bin kisim fopela bol.

2 John Taylor na Willard Richards, tupela bilong ol Twelpela, i bin tupela man tasol long dispela rum long dispela taim; nambawan man i bin kisim bagarap long wanpela kain pasin bilong laik long kilim man stret wantaim fopela bol, tasol em i orait bek nau; nambatu man, thru long halivim bilong God, i bin ronowe, i no bin kisim wanpela hul long kolos bilong em.

3 Joseph Smith, Profet na Sia bilong Bikpela, i bin wokim moa, tasol Jisas tasol i mekim moa yet, long salvesen bilong ol manmeri long dispela wol, moa long narapela man we i bin stap long en. Long dispela sotpela spes bilong tupela ten yia, em i bin bringim kamaut dispela Buk bilong Momon, dispela em i bin tanim tok long en wantaim spesol blesing na pawa bilong God, na em i bin stretim rot bilong printim dispela long tupela kontinen; bin salim pulap tru bilong dispela oltaim oltaim gospel, we i stap insait, long ol fopela hap bilong dispela ples graun; i bin bringim kamaut dispela ol revelesen na ol komanmen we i stap insait long dispela buk bilong Doktrin na ol Kavanen, na planti narapela hap pepa na tok save bilong gutpela save, bilong gutpela bilong ol pikinini bilong man; bungim planti tausen long ol Lata-de Seint, kamapim wanpela impoten moa siti, na lusim wanpela gutpela pasin na nem we nogat man inap long kilim. Em i bin stap impoten moa, na i bin dai impoten moa long ai bilong God na ol pipol bilong em; na olsem ol lain Bikpela i bin anoitim long ol taim bipo, em i silim misin bilong em na ol wok bilong em wantaim blut bilong em yet; na olsem tu brata bilong em Hyrum. Long laip tupela i no bin buruk, na long dai tupela i stap wantaim!

4 Taim Joseph bin go long Carthage long givim em yet long giaman strongpela toktok bilong lo, tupela o tripela de pastaim long dai bilong em, em i bin tok: “Mi wok long go olsem wanpela pikinini sipsip long dai; tasol mi stap isi olsem wanpela moning long taim bilong hot san; mi gat gutpela tingting long God, na long olgeta man. Mi bai dai wantaim nogat rong, na ol i bai tok olsem long mi—ol i bin kilim em nating.”—Long dispela sem moning, taim Hyrum i redi long go—bai yumi tok olsem long go long bikpela kilim i dai? yes, em i olsem stret—em i bin ridim dispela hap tok, klostu long pinis bilong sapta twelp bilong Ita, insait long Buk bilong Momon, na foldim dispela pes i go daun long makim:

5 Na em i bin kamap olsem mi bin beten long Bikpela olsem em bai givim long ol Jentail marimari, olsem bai ol inap long gat siariti. Na em bin kamap olsem Bikpela tok olsem long mi: Sapos ol i nogat siariti em i no wari bilong yu, yu bin stap wantaim feit; olsem na ol klos bilong yu bai kamap klin. Na bikos yu bin lukim olsem yu nogat strong, yu bai kamap strong, long sindaun long dispela ples we mi bin redim long haus bilong Papa bilong mi. Na nau mi … tok gut bai long ol Jentail; tru, na tu long ol brata bilong mi husat mi lavim, inap yumi bung long jasmen-sia bilong Krais, we olgeta man bai save olsem ol klos bilong mi bai kamap klin wantaim blut bilong yu. Dispela tupela man bilong wokim testimen i dai nau, na ol testimen bilong ol i stap strong yet.

6 Hyrum Smith i bin fopela-ten-fo krismas long Februeri, 1844, na Joseph Smith i bin tripela-ten-eit krismas long Disemba, 1843; na long dispela taim i go ol nem bilong ol bai stap namel long ol man husat i dai long lotu; na em husat i ridim dispela long olgeta wanwan nesen bai save gen olsem dispela Buk bilong Momon, na dispela buk bilong Doktrin na ol Kavanen bilong sios, i bin kostim nambawan blut namel long yia 1801 na 1900 long bringim ol i kamaut long salvesen bilong dispela bagarap wol; na olsem sapos paia i ken kilim dai wanpela grinpela diwai bilong glori bilong God, em bai isi moa long kukim ol diwai i drai long klinim dispela wain gaden bilong korapsen. Ol i bin stap laip bilong glori; ol i bin dai bilong glori; na pe oltaim oltaim bilong ol em i glori. Long tumbuna lain i go long tumbuna lain ol nem bilong ol bai go daun long ol tumbuna pikinini olsem ol bilas i dia tru bilong ol holi lain.

7 Tupela no bin brukim wanpela lo, olsem ol kot i bin soim bipo, na ol i bin holim ol tasol long kalabus thru long plen nogut bilong ol lain husat i tanim baksait na ol man nogut; na blut bilong tupela we i no wokim rong long flo bilong kalabus long Carthage em i wanpela bikpela mak we i pas long “Momonisim” olsem ol kot bilong dispela ples graun i no inap long tok nogat long en, na blut bilong tupela we i no wokim rong antap long emblem bilong Stet bilong Illinois, wantaim dispela buruk promis bilong gavana, em i wanpela witnes long dispela toktru bilong dispela oltaim oltaim gospel dispela olgeta dispela wol i no inap long salensim; na blut bilong tupela we i nogat rong long pilak bilong liberty, na long magna charta bilong United States, dispela em i wanpela ambaseda bilong lotu bilong Jisas Krais, em bai tasim ol bel bilong ol ones manmeri namel long olgeta nesen; na blut bilong tupela i nogat asua, wantaim blut we i no wokim rong bilong olgeta man husat i dai long lotu aninit long alta olsem Jon i bin lukim, bai krai long Bikpela bilong ol Ami inap em i bekim dispela blut long dispela ples graun. Amen.