1 Futhi kwenzeka ukuthi emva kokuthi uMosiya esenze njengoba uyise emyalile, futhi esenze isimemezelo kulo lonke izwe, abantu bahlangana ndawonye kulo lonke izwe, ukuze bahambe bakhuphukele ethempelini ukuyozwa amazwi inkosi uBenjamini eyayizowakhuluma kubo.

2 Futhi babeyisibalo esikhulu, ngisho babebaningi ngendlela yokuthi abazange bababale; ngokuba base bephindaphindwe kakhulu futhi sebande kakhulu ezweni.

3 Futhi phezu kwalokho bathatha ^aamazibulo ezimvu zabo, ukuze banikele ^bngomnikelo kanye ^cnangomnikelo wokushiswa ^dnjengokomthetho kaMose;

4 Futhi phezu kwalokho ukuze babonge eNkosini uNkulunkulu wabo, owabakhipha ezweni laseJerusalema, futhi owabakhipha ezandleni zezitha zabo, futhi ^awakhetha abantu abalungile ukuthi babe ^bngabafundisi babo, futhi ngokunjalo nendoda elungile ukuthi ibe yinkosi yabo, eyenza kubekhona ukuthula ^cezweni lakwaZarahemla, futhi eyabafundisa ukuthi ^dbagcine imiyalelo kaNkulunkulu, ukuze bathokoze futhi bagcwale ^euthando lukaNkulunkulu kanye nolwabantu bonke.

5 Futhi kwenzeka ukuthi ngesikhathi befika ethempelini, bagxumeka amatende abo azungeza lapho, yonke indoda ^anjengokomndeni wayo, unkosikazi wayo, namadodana ayo, namadodakazi ayo, kanye namadodana awo, kanye namadodakazi awo, kusukela komdala kwehla kuya komncane, yonke imindeni yehlukene omunye komunye.

6 Futhi bagxumeka amatende abo azungeza ithempeli, wonke umuntu ^aenetende elinomnyango walo obheke ethempelini, ukuze ngaleyo ndlela bahlale ematendeni abo futhi bezwe amazwi inkosi uBenjamini eyayizowakhuluma kubo;

7 Ngokuba isixuku sasisikhulu kakhulu kangangokuthi inkosi uBenjamini ayikwazanga ukubafundisa bonke ngaphakathi kwezindonga zethempeli, ngalokho-ke yenza ukuthi kumiswe umbhoshongo, ukuze ngaleyo ndlela abantu bakhe bawezwe amazwi ayezowakhuluma kubo.

8 Futhi kwenzeka ukuthi waqala ukukhuluma nabantu bakhe esembhoshongweni; futhi abakwazanga bonke ukuzwa amazwi akhe ngenxa yobukhulu besixuku; ngakho-ke wenza ukuthi amazwi awakhulumayo abhalwe futhi athunyelwe phakathi kwalabo ababengekho ngaphansi komsindo wezwi lakhe, ukuze nabo ngokunjalo bawathole amazwi akhe.

9 Futhi yilawa amazwi ^aawakhulumayo futhi wenza ukuthi abhalwe, ethi: Bafowethu, nonke nina enihlangene ndawonye, nina eninokuwezwa amazwi ami engizowakhuluma kini ngalolusuku; ngokuba angizange nginiyale ukuthi nikhuphukele lapha ^bnizodlala ngamazwi engizowakhuluma, kodwa ukuthi ^cningilalele, futhi nivule izindlebe zenu ukuze nizwe, ^dnezinhliziyo zenu ukuze niqonde, futhi ^enezingqondo zenu ukuze ^fizimfihlakalo zikaNkulunkulu zambulwe kini.

10 Angizange nginiyale ukuthi nikhuphukele lapha ukuze ^aningesabe, noma ukuthi nicabange ukuthi mina ngingaphezu komuntu ofayo.

11 Kodwa nami nginjengani uqobo lwenu, ngingaphansi kwazo zonke izimo zobuthakathaka emzimbeni kanye nasengqondweni; nokho ngikhethwe yilaba bantu, futhi ngangcweliswa ngubaba, futhi ngavunyelwa yisandla seNkosi ukuthi ngibe wumbusi nenkosi phezu kwalaba bantu; futhi ngigciniwe futhi ngalondolozwa ngamandla akhe angenakulinganiswa, ukuthi nginisebenzele ngakho konke ukuqina, ingqondo kanye namandla iNkosi enginike wona.

12 Ngithi kini njengoba ngivunyelwe ukuthi ngichithe izinsuku zami ekunisebenzeleni, ngisho kuze kube yilesi sikhathi, futhi angizange ngifune ^agolide nasiliva noma nanhloboni yengcebo yenu;

13 Futhi angizange ngivume ukuthi nibanjwe nifakwe ematilongweni, noma nenzane izigqila omunye nomunye, noma ukuthi nibulale, noma niphange, noma nebe, noma niphinge; noma ngisho nokuthi ngivume ukuthi nenze noma hlobo luni lobubi, futhi nginifundisile ukuthi nigcine imiyalelo yeNkosi, kuzo zonke izinto eniyale ngazo—

14 Futhi ngisho nami, uqobo lwami, ^angisebenzile ngezandla zami ukuze nginisebenzele, futhi ukuthi ningathwaliswa ngezintela, nokuthi kungezi lutho phezu kwenu okunzima ukuthi nikuthwale—futhi kuzo zonke lezi zinto esezingizikhulumile, nani uqobo lwenu ningofakazi ngalolusuku.

15 Nokho, bafowethu, angizange ngizenze lezi zinto ukuze ngizigabise, noma ukuthi nginitshela lezi zinto ukuze ngalokho nginibeke icala; kodwa nginitshela lezi zinto ukuze nazi ukuthi ngingakwazi ukuphendula ^angonembeza ohlanzekile phambi kukaNkulunkulu ngalolusuku.

16 Bhekani, ngithi kini ngenxa yokuthi ngithe ngangichithe izinsuku zami ekunisebenzeleni, angifuni ukuzigabisa, ngokuba empeleni bengisebenzela uNkulunkulu.

17 Futhi bhekani, nginitshela lezi zinto ukuze nifunde ^aukuhlakanipha; ukuze nifunde ukuthi uma ^busebenzela ^cabantu bakini empeleni usebenzela uNkulunkulu wakho.

18 Bhekani, ningibiza ngenkosi yenu; futhi uma mina, enimbiza ngenkosi yenu, ngisebenza ukuthi ^anginisize, pho nina akufanele yini ukuthi nisebenze ukuze nisizane na?

19 Futhi bhekani futhi, uma mina, enimbiza ngenkosi yenu, osechithe izinsuku zakhe enisebenzela, futhi nokho ngibe kade ngisebenzela uNkulunkulu, ngifanelwe wukubongwa yini, O kufanele kangakanani ukuthi ^anibonge iNkosi yenu yasezulwini!

20 Ngithi kini, bafowethu, uma ninganika konke ukubonga kanye ^anodumo imiphefumulo yenu yonke enamandla okubanakho, kulowo ^bNkulunkulu owanidala, wanigcina wanilondoloza, futhi wenza ukuthi nithokoze, futhi waninika ukuthi nihlale ngokuthula omunye nomunye—

21 Ngithi kini uma beningamsebenzela lowo owanidalayo kusukela ekuqaleni, futhi onilondolozayo usuku nosuku, ngokunitsheleka umphefumulo, ukuze niphile futhi ninyakaze futhi nenze ^anjengokuthanda kwenu, futhi ngisho enisekela kusukela komunye umzuzu kuya komunye—ngithi, uma beningamsebenzela ngemiphefumulo yenu yonke nakuba kunjalo beniyokuba ^byizisebenzi ezingenamvuzo.

22 Futhi bhekani, kuphela akudingayo kini ^awukugcina ^bimiyalelo yakhe; futhi unithembisile ukuthi uma niyoyigcina imiyalelo yakhe niyophumelela ezweni; futhi ^cakajiki nanini kulokho akushilo; ngalokho-ke, uma ^dnigcina imiyalelo yakhe uyanibusisa futhi aniphumelelise.

23 Manje, okokuqala, unidalile, futhi waninika izimpilo zenu, enimkweletayo ngazo.

24 Futhi okwesibili, udinga ukuthi nenze njengoba eniyalile; okuthi uma nenza, ^auyanibusisa khona manjalo; futhi ngalokho-ke usenikhokhele. Futhi nisamkweleta, futhi niyamkweleta, futhi nisayokumkweleta, ingunaphakade naphakade; ngalokho-ke, yini eningazigabisa ngayo na?

25 Manje ngiyabuza, kukhona yini eningakusho ngani na? Ngiyaniphendula ngithi, Cha. Aninakusho ngisho ukuthi ninjengothuli lomhlaba; nokho ^anadalwa ^bngothuli lomhlaba; kodwa bhekani, lungolwakhe lowo owanidalayo.

26 Futhi nami, ngisho nami, enimbiza ngenkosi yenu, angingcono kunani; ngokuba nami ngokunjalo ngingowasothulini. Futhi niyabona ukuthi sengimdala, futhi sekuseduze ngidele loluhlaka olufayo luye kunina walo umhlaba.

27 Ngakho-ke, njengoba ngishilo kini ukuthi nginisebenzele, ^angihamba nonembeza ohlanzekile phambi kukaNkulunkulu, ngisho ngokunjalo nangalesi sikhathi ngenze ukuthi nibuthane ndawonye, ukuze ngitholwe ngingenacala, futhi nokuthi ^bigazi lenu lingehleli phezu kwami, uma sengimi ukuthi ngahlulelwe nguNkulunkulu ngezinto angiyale ngazo mayelana nani.

28 Ngithi kini ngenze ukuthi nibuthane ndawonye ukuze ^angisuse ezingutsheni zami igazi lenu, ngalesi sikhathi lapho sengizoya phansi ethuneni lami, ukuze ngehlele phansi ngokuthula, futhi ^bumoya wami ongafiyo uhlangane ^cnamakwaya aphezulu ekuhlabeleleni izindumiso zikaNkulunkulu olungileyo.

29 Futhi ngaphezu kwalokho, ngithi kini ngenze ukuthi nibuthane ndawonye, ukuze ngimemezele kini ukuthi angeke ngisaba wumfundisi wenu, noma yinkosi yenu;

30 Ngokuba ngisho nangalesi sikhathi, uhlaka lwami lonke luyaqhaqhazela kakhulu njengoba ngizama ukukhuluma kini; kodwa iNkosi uNkulunkulu iyangisekela, futhi ingivumele ukuthi ngikhulume kini, futhi ingiyale ukuthi ngimemezele kini ngalolusuku, ukuthi indodana yami uMosiya uyinkosi nombusi phezu kwenu.

31 Manje, bafowethu, ngifuna ukuthi nize nenze njengoba kade nenzile kuze kube manje. Njengokuba niyigcinile imiyalelo yami, futhi ngokunjalo nemiyalelo kababa, futhi naphumelela, futhi nagcinwa ekuweleni ezandleni zezitha zenu, ngisho ngokunjalo uma niyoyigcina imiyalelo yendodana yami, noma imiyalelo kaNkulunkulu eyolethwa kini ngayo, niyophumelela kulelizwe, futhi izitha zenu aziyikuba namandla phezu kwenu.

32 Kodwa, O bantu bami, qaphelani hleze kuvuke ^aimibango phakathi kwenu, funa nikhethe ukulalela umoya omubi, akhuluma ngawo ubaba uMosiya.

33 Ngokuba bhekani, kukhona inhlawulo emenyezelwe kulowo okhetha ukulalela lowomoya; ngokuba uma ekhetha ukulalela wona, futhi ahlale futhi aze afele ezonweni zakhe, yena futhi uziphuzela ^ausizi; ngokuba uthola njengenkokhelo yakhe ^bukujeziswa okungapheliyo, eqe umthetho kaNkulunkulu ngokuphikisana nolwazi lwakhe uqobo.

34 Ngithi kini, akukho namunye phakathi kwenu, ngaphandle kwabantwana benu abancane abangafundiswanga mayelana nalezi zinto, ongazi ukuthi ninesikweletu saphakade kuBaba wenu wasezulwini, ukuletha kuye konke eninakho kanye neniyikho; futhi phezu kwalokho nifundisiwe mayelana nemibhalo equkethe iziphrofetho abakhuluma ngazo abaphrofethi abangcwele, ngisho kwehla kuze kufike esikhathini ubaba, uLehi, eshiya eJerusalema;

35 Futhi ngokunjalo, nakho konke okwakhulunywa ngobaba bethu kuze kube manje. Futhi bhekani, phezu kwalokho, bakhuluma lokho ababeyalwe ngakho yiNkosi; ngakho-ke, leyomibhalo ilungile futhi iyiqiniso.

36 Manje, ngithi kini, bafowethu, emva kokuthi senazile futhi senifundisiwe zonke lezi zinto, uma ningaphambuka futhi niphikisane nalokho okukhulunyiwe, kangangoba nize nizikhiphe kuMoya weNkosi, ukuze angabi nandawo kini ukuthi aniqondise ezindleleni zokuhlakanipha ukuze nibusiswe, niphumelele, futhi nilondolozwe—

37 Ngithi kini, umuntu owenza lokhu, nguye lowo futhi ophumela obala ^aavukele uNkulunkulu; ngakho-ke ukhetha ukulalela umoya omubi, futhi uba yisitha kukho konke ukulunga; ngakho-ke, iNkosi ayinandawo kuye, ngokuba ayihlali ^bemathempelini angcolile.

38 Ngakho-ke uma lowo muntu ^aengaphenduki, futhi ahlale futhi afe eyisitha kuNkulunkulu, izimfuno ^bzokulunga zikaNkulunkulu zivusela umphefumulo wakhe ongafi ekwazini ^cicala lakhe, elimenza ukuthi ashwabane phambi kweNkosi, futhi ligcwalise isifuba sakhe ngokuzisola, nobuhlungu, kanye nosizi, olufana nomlilo ongacisheki, omalangabi awo akhuphukela phezulu phakade naphakade.

39 Manje ngithi kini, ^aumusa awunakumthola lowo muntu; ngakho-ke isiphetho sakhe wukuba abekezelele ubuhlungu obungapheliyo.

40 O, nonke nina madoda amadala, futhi ngokunjalo nani bafana, kanye nani bantwana abancane eninokuwaqonda amazwi ami, ngokuba ngikhulume ngokusobala kini ukuze niqonde, ngiyathandaza ukuthi nivukele ^aekukhumbuleni isimo esesabekayo salabo abawele esiphambekweni.

41 Futhi ngaphezu kwalokho, ngifisa ukuthi nicabange ^angesimo esibusisiwe futhi nesokujabula salabo abagcina imiyalelo kaNkulunkulu. Ngokuba bhekani, ^bbabusisiwe kuzo zonke izinto, ezesikhashana kanye nezikamoya; futhi uma bebambelele ^cekwethembekeni kuze kube sekugcineni bemukelwa ^dezulwini, ukuze ngalokho bahlale noNkulunkulu esimweni sokuthokoza okungenakuphela. O khumbulani, khumbulani ukuthi lezi zinto ziyiqiniso; ngokuba iNkosi uNkulunkulu izikhulumile.