1 Manje, inkosi uBenjamini yacabanga ukuthi kwakukuhle, emva kokuthi isiqedile ukukhuluma kubantu, ukuthi ^aithathe amagama abo bonke labo ababengene esivumelwaneni noNkulunkulu ukuthi bagcine imiyalelo yakhe.

2 Futhi kwenzeka ukuthi kwakungekho namunye umuntu, ngaphandle kwabantwana abancane, ongangenanga esivumelwaneni futhi wamukela uKristu wabizwa ngegama lakhe.

3 Futhi phezu kwalokho, kwenzeka ukuthi ngesikhathi inkosi uBenjamini isisenzile isiphetho sazo zonke lezi zinto, futhi isiyingcwelisile indodana yayo ^auMosiya ukuthi ibe ngumbusi kanye nenkosi phezu kwabantu bayo, futhi isiyinikile imiyalelo mayelana nombuso, futhi phezu kwalokho ^bisibabekile abaphristi ukuthi ^cbafundise abantu, ukuze ngalokho bayizwe futhi bayazi imiyalelo kaNkulunkulu, futhi nokuba babaphehlele ekukhumbuleni ^disifungo abasenza, yasemukisa isixuku, futhi babuyela emuva, wonke umuntu, njengokwemindeni yabo, ezindlini zabo.

4 Futhi ^auMosiya waqala ukubusa esikhundleni sikayise. Futhi waqala ukubusa ngonyaka wamashumi amathathu eminyaka yakhe yobudala, lokhu okwenza sekukonke, cishe iminyaka engamakhulu amane namashumi ayisikhombisa nesithupha kusukela ^bngesikhathi uLehi eshiya eJerusalema.

5 Futhi inkosi uBenjamini waphila iminyaka emithathu wafa.

6 Futhi kwenzeka ukuthi inkosi uMosiya nempela wahamba ezindleleni zeNkosi, futhi nempela waziqaphela izahlulelo zayo kanye nemithetho yayo, futhi wayigcina imiyalelo yayo kuzo zonke izinto noma ngabe yini eyayimyale ngayo.

7 Futhi inkosi uMosiya nempela yenza abantu bayo ukuthi balime umhlabathi. Futhi naye ngokunjalo, uqobo lwakhe, wawulima umhlabathi, ukuze ngalokho ^aangabi wumthwalo kubantu bakhe, ukuze enze njengoba uyise ayenzile kuzo zonke izinto. Futhi akuzange kube khona mbango phakathi kwabo bonke abantu bakhe isikhathi esingangeminyaka emithathu.