1 Tus txheej txheem uas lawv cov txwj laug thiab cov pov thawj foom koob hmoov thiab muab Khetos lub cev thiab cov ntshav rau cov ntseeg; thiab lawv foom koob hmoov thiab muab Khetos lub cev thiab cov ntshav raws li Khetos tej lus txib; yog li ntawd peb paub tias tus txheej txheem yeej yog lawm; thiab tus txwj laug los sis tus pov thawj foom koob hmoov thiab muab Khetos lub cev thiab cov ntshav—

2 Thiab lawv txhos caug nrog cov ntseeg, thiab thov Leej Txiv los ntawm Khetos lub npe, hais tias:

3 Auj Vajtswv, Leej Txiv tus uas Nyob Mus Ib Txhis, peb thov koj ntawm koj Leej Tub, Yexus Khetos lub npe, kom koj foom koob hmoov thiab ua kom cov mov mog no dawb huv rau txhua leej txhua tus uas noj, kom lawv yuav noj nco txog koj Leej Tub lub cev, thiab ua tim khawv rau koj, auj Vajtswv, Leej Txiv tus uas Nyob Mus Ib Txhis, hais tias lawv txaus siab ris koj Leej Tub lub npe, thiab nco ntsoov txog nws thiab ua raws li nws tej lus txib uas nws tau muab rau lawv; kom lawv yuav muaj nws tus Ntsuj Plig nrog lawv nyob tas mus li. Amees.