Tshooj 2
Yexus muab hwj chim rau kaum ob tug thwj tim uas yog cov Neeg Nifais kom muab tau lub txiaj ntsim Vaj Ntsuj Plig Dawb Huv. Kwv yees li 401–421 xyoos tom qab Yexus yug los.
1 Khetos cov lus, uas nws hais rau nws cov thwj tim, kaum ob tug uas nws xaiv, thaum nws tso nws ob txhais tes saum lawv taub hau—
2 Thiab nws hu lawv raws npe, hais tias: Nej yuav tsum thov Leej Txiv los ntawm kuv lub npe, sib sib zog thov; thiab tom qab nej ua li no nej yuav muaj hwj chim muab tau tus Vaj Ntsuj Plig Dawb Huv rau tus uas nej tso nej ob txhais tes saum nws taub hau; thiab nej yuav muab nws los ntawm kuv lub npe, vim kuv cov thwj tim yeej ua li no.
3 Nim no Khetos hais cov lus no rau lawv nyob rau thaum thawj zaug uas nws tshwm los; thiab pab neeg coob coob twb tsis hnov tej ntawd, tiam sis cov thwj tim hnov tej ntawd; thiab tag nrho cov uas lawv tso lawv ob txhais tes saum taub hau, tus Vaj Ntsuj Plig Dawb Huv yeej los rau cov ntawd.