Tshooj 5
Qhia txog tus txheej txheem foom koob hmoov thiab muab cov cawv txiv hmab ntawm lub cim nco txog. Kwv yees li 401–421 xyoos tom qab Yexus yug los.
1 Tus txheej txheem foom koob hmoov thiab muab cov kua txiv hmab—Saib seb, lawv muab lub khob los, thiab hais tias:
2 Auj Vajtswv, Leej Txiv tus uas Nyob Mus Ib Txhis, peb thov koj ntawm koj Leej Tub, Yexus Khetos lub npe, kom koj foom koob hmoov thiab ua kom cov cawv txiv hmab no dawb huv rau txhua leej txhua tus uas haus, kom lawv yuav haus nco txog koj Leej Tub cov ntshav, uas tau nrog theej lawv; kom lawv yuav ua tim khawv rau koj, auj Vajtswv, Leej Txiv tus uas Nyob Mus Ib Txhis, hais tias lawv nco ntsoov txog nws, kom lawv yuav muaj nws tus Ntsuj Plig nrog lawv nyob. Amees.