Phau Ntawv Maulaunais
Tshooj 1
Maulaunais sau cia kom pab cov Neeg Lamas—Cov Neeg Nifais uas tsis kam xyeej Khetos raug tua pov tseg. Kwv yees li 401–421 xyoos tom qab Yexus yug los.
1 Nim no kuv, Maulaunais, tom qab tau xaus qhov uas muab Yales cov neeg zaj txiav los tso ua ke, kuv twb xav tias ntshe yuav tsis sau ntxiv lawm, tiam sis kuv tseem tsis tau piam sij; thiab kuv twb tsis ua kuv tus kheej rau cov Neeg Lamas paub tsam lawv ho ua rau kuv puas tsuaj.
2 Vim saib seb, lawv tej kev ua rog hnyav heev kawg nkaus nyob hauv lawv tus kheej; thiab vim yog lawv txoj kev ntxub lawv thiaj tua txhua tus Neeg Nifais uas tsis kam xyeej tus Khetos.
3 Thiab kuv, Maulaunais, yuav tsis xyeej tus Khetos; yog li ntawd, kuv mus qhov twg uas kuv mus tau kom muaj kev nyab xeeb rau kuv tus kheej txoj sia.
4 Yog li ntawd, kuv yuav sau ob peb yam ntxiv, tsis raws li qhov uas kuv tau xav; vim kuv tau xav tias yuav tsis sau ntxiv lawm; tiam sis kuv sau ob peb yam ntxiv, tej zaum tej uas kuv sau no yuav muaj nuj nqis rau kuv cov kwv tij, uas yog cov Neeg Lamas, nyob rau lub caij yav tom ntej, raws li tus Tswv lub siab nyiam.