1 Tus txheej txheem uas cov thwj tim, uas yog hu ua cov txwj laug ntawm lub koom txoos, siv los tsa cov pov thawj thiab cov xib hwb—

2 Tom qab lawv thov Leej Txiv los ntawm Khetos lub npe, lawv tso lawv ob txhais tes saum cov pov thawj thiab cov xib hwb taub hau, thiab hais tias:

3 Los ntawm Yexus Khetos lub npe kuv tsa koj los ua ib tug pov thawj, (los sis yog nws yog ib tug xib hwb) kuv tsa koj los ua ib tug xib hwb, mus tshaj tawm kev hloov siab lees txim thiab kev zam txim rau tej kev txhaum uas los ntawm Yexus Khetos, los ntawm txoj kev nyiaj ntawm kev ntseeg nws lub npe kom mus txog thaum kawg. Amees.

4 Thiab raws li tus txheej txheem no lawv tsa tau cov pov thawj thiab cov xib hwb, raws li Vajtswv tej txiaj ntsim thiab tej kev hu tib neeg; thiab lawv muab lawv tsa los ntawm tus Vaj Ntsuj Plig Dawb Huv lub hwj chim, uas yog nyob hauv lawv.