1 Manje kwenzeka ukuthi ngesikhathi uJesu eseqedile ukukhuluma lenkulumo waphonsa amehlo akhe esixukwini, futhi wathi kuso: Bhekani, nizizwile izinto engazifundisa ngaphambi kokuthi ngenyukele kuBaba; ngakho-ke, lowo owakhumbulayo lamazwi ami futhi ^aawenze, ^bngiyomvusa ngosuku lokugcina.

2 Futhi kwenzeka ukuthi ngesikhathi uJesu esewashilo lamazwi wabona ukuthi kwakukhona abanye phakathi kwabo abamangala, futhi becabanga ukuthi wayefuna ukuthi benzeni mayelana ^anomthetho kaMose; ngokuba babengawuqondi umbhalo othi izinto ezindala zase zidlulile, futhi nokuthi zonke izinto zase zizintsha.

3 Futhi wathi kubo: Ningamangali ukuthi ngithe kini izinto ezindala sezidlulile, futhi nokuthi zonke izinto sezizintsha.

4 Bhekani, ngithi kini ^aumthetho usugcwalisiwe owawunikezwe uMose.

5 Bhekani, ^anginguye lowo owanikeza umthetho, futhi nginguye lowo owenza isivumelwano nabantu bami u-Israyeli; ngakho-ke, umthetho kimi ugcwalisekile, ngokuba ngize ^bukuzogcwalisa umthetho; ngakho-ke usufike esiphethweni.

6 Bhekani, ^aangiphikisani nabaphrofethi, ngokuba njengoba okuningi kungakagcwaliseki kimi, ngiqinisile ngithi kini, konke kuyogcwaliseka.

7 Futhi ngenxa yokuthi ngithe kini izinto ezindala sezidlulile, angiphikisani nalokho okwakhulunywa mayelana nezinto ezisazokwenzeka.

8 Ngokuba bhekani, ^aisivumelwano engasenza nabantu bami asikakagcwaliseki sonke; kepha umthetho owawunikezwe uMose usunesiphetho kimi.

9 Bhekani, ^angingumthetho, kanye ^bnokukhanya. Bhekani kimi, futhi nibekezele kuze kube sekugcineni, futhi ^cniyophila; ngokuba lowo ^doyobekezela kuze kube sekugcineni, ngiyomnika ukuphila okuphakade.

10 Bhekani, ngininike ^aimiyalelo; ngakho-ke gcinani imiyalelo yami. Futhi lona ngumthetho kanye nabaphrofethi, ngokuba ngempela ^bbafakaza ngami.

11 Manje kwenzeka ukuthi ngesikhathi uJesu esewakhulumile lamazwi, wathi kulabo abayishumi nambili ayebakhethile:

12 Ningabafundi bami; futhi niwukukhanya kulaba bantu, abayinsali yendlu ka ^aJosefa.

13 Futhi bhekani, leli ^ayizwe eliyifa lenu; futhi uBaba uninike lona.

14 Futhi asikho nesisodwa isikhathi lapho uBaba anginika umyalelo wokuthi ^angibatshele lokhu abafowenu abaseJerusalema.

15 Futhi asikho nesisodwa isikhathi lapho uBaba anginika umyalelo wokuthi ngibatshele mayelana ^anezinye izizwana zendlu ka-Israyeli, uBaba azihola wazikhipha kulelozwe.

16 Wangiyala ngalokhu kuphela uBaba, ukuthi ngibatshele ukuthi:

17 Nginezinye izimvu okungezona ezalesi sibaya; futhi nazo ngokunjalo kufanele ngizihole, futhi nazo ziyolizwa izwi lami; futhi kuyoba khona umhlambi owodwa, kanye ^anomalusi oyedwa.

18 Manje, ngenxa yokuba ngontamo lukhuni kanye nokungakholwa ^aabaliqondanga izwi lami; ngakho-ke ngayalwa nguBaba ukuthi ngingabe ngisasho lutho mayelana nalento kubo.

19 Kepha, ngiqinisile, ngithi kini uBaba ungiyalile, futhi ngiyanitshela, ukuthi nina nehlukaniswa nabo ngenxa yobubi babo; ngakho-ke kungenxa yobubi babo ukuthi bangazi ngani.

20 Futhi ngiqinisile, ngiyaphinda ngithi kini ezinye izizwana uBaba wazisusa kubo; futhi kungenxa yobubi babo ukuthi bangazi ngazo.

21 Futhi ngiqinisile ngithi kini, niyibo labo engathi ngabo: ^aNginezinye izimvu okungezona ezalesi sibaya; nazo futhi kufanele ngizihole, futhi nazo ziyolizwa izwi lami; futhi kuyokuba khona umhlambi owodwa, kanye nomalusi oyedwa.

22 Futhi abazange bangiqonde, ngokuba babecabanga ukuthi ^akwakungabeZizwe; ngokuba babengaqondi ukuthi abeZizwe ^bbabezophenduka ngokushumayela kwabo.

23 Futhi abangiqondanga ngesikhathi ngithi ziyolizwa izwi lami; futhi abaqondanga uma ngithi ^aabeZizwe ngeke balizwe izwi lami nangasiphi isikhathi—nokuthi angiyikuzibonakalisa kubo ngaphandle kokuthi kube ngo ^bMoya oyiNgcwele.

24 Kepha bhekani, nina nilizwile ^aizwi lami, futhi nangibona; futhi niyizimvu zami, futhi nibalwa nalabo uBaba ^banginike bona.