1 Futhi kwenzeka ukuthi wayala isixuku ukuthi siyeke ukukhuleka, futhi kanjalo nabafundi bakhe. Futhi wabayala ukuthi bangayeki ^aukukhuleka ezinhliziyweni zabo.

2 Futhi wabayala ukuthi baphakame futhi bame ngezinyawo zabo. Futhi baphakama bema ngezinyawo zabo.

3 Futhi kwenzeka ukuthi waphinda wahlephula isinkwa futhi wasibusisa, futhi wanikeza abafundi bakhe ukuthi badle.

4 Futhi ngesikhathi sebedlile wabayala ukuthi bahlephule isinkwa, futhi basinike isixuku.

5 Futhi ngesikhathi sebesinikile isixuku waphinde wabanika iwayini ukuthi baphuze, futhi wabayala ukuthi banike isixuku.

6 Manje, kwakungekho ^asinkwa, noma iwayini, okwakulethwe ngabafundi, noma yisixuku;

7 Kepha ngempela ^awabanika isinkwa ukuze badle, futhi kanjalo newayini ukuze baphuze.

8 Futhi wathi kubo: Lowo ^aodla lesinkwa udla okomzimba wami emphefumulweni wakhe; futhi nalowo ophuza leliwayini uphuza okwegazi lami emphefumulweni wakhe; futhi umphefumulo wakhe awuseyikulamba noma wone, kepha uyogcwaliswa.

9 Manje, ngesikhathi isixuku sonke sesidlile futhi saphuza, bheka, sagcwaliswa ngoMoya; futhi sakhala ngazwi linye, futhi sanikeza udumo kuJesu, ababembona futhi bemuzwa.

10 Futhi kwenzeka ukuthi ngesikhathi bonke sebelunikile udumo kuJesu, wathi kubo: Bhekani manje sengiyawuqedela umyalelo uBaba angiyale ngawo mayelana nalabantu, abayinsali yendlu ka-Israyeli.

11 Niyakhumbula ukuthi ngikhulumile kini, futhi ngathi uma ^aamazwi ka-^bIsaya esegcwaliseka—bhekani abhaliwe, ninawo phambi kwenu, ngakho-ke wacwaningeni—

12 Futhi ngiqinisile, ngiqinisile, ngithi kini, ngesikhathi esegcwaliseka ngaleso sikhathi kuyobe sekuwukugcwaliseka ^akwesivumelwano uBaba asenza kubantu bakhe, O ndlu ka-Israyeli.

13 Futhi ngaleso sikhathi ^ainsali, eyobe ^bihlakazekile ezindaweni zonke phezu kobuso bomhlaba, ^ciyoqoqwa empumalanga kanye nase ntshonalanga, kanye naseningizimu kanye nasenyakatho; futhi iyofinyelela ^dolwazini lweNkosi uNkulunkulu wabo, obakhululile.

14 Futhi uBaba ungiyale ukuthi ngininike ^alelizwe, libe yifa lenu.

15 Futhi ngithi kini, uma abeZizwe ^abengaphenduki emva kwesibusiso abayosithola, emva kokuthi sebehlakaze abantu bami—

16 Ngaleso sikhathi nina, eniyinsali yendlu kaJakobe, niyohamba niye phakathi kwabo; futhi niyokuba phakathi kwalabo abayobe bebaningi; futhi niyokuba phakathi kwabo njengengonyama iphakathi kwezilwane zasehlathini, nanjenge ^awundlu lengonyama phakathi kwemihlambi yezimvu, okuthi uma lidabula phakathi kwazo ^blizinyathele phansi futhi lizidwengule zibe yizicucu, futhi kungekho namunye ongazihlenga.

17 Isandla sakho siyophakanyiselwa izitha zakho, futhi zonke izitha zakho ziyobulawa.

18 Futhi ^angiyobabuthela ndawonye abantu bami njengomuntu ebutha izithungu zakhe phansi.

19 Ngokuba ngiyokwenza abantu bami uBaba enza isivumelwano nabo, yebo, ngiyokwenza ^auphondo lwakho lube yinsimbi, futhi ngenze izinselo zakho zibe yithusi. Futhi uyochoboza abantu abaningi babe yizicucu; futhi ngiyoyingcwelisa inzuzo yabo eNkosini, futhi ngiyongcwelisa nokungokwabo eNkosini yomhlaba wonke. Futhi bhekani, nginguye okwenzayo lokho.

20 Futhi kuyokwenzeka, kusho uBaba, ukuthi ^ainkemba yokulunga kwami iyolengela phezu kwabo ngalolo suku; futhi ngaphandle kokuthi baphenduke iyowela phezu kwabo, kusho uBaba, yebo, ngisho naphezu kwazo zonke izizwe zabeZizwe.

21 Futhi kuyokwenzeka ukuthi ngiyobamisa ^aabantu bami, O ndlu ka-Israyeli.

22 Futhi bhekani, labantu ngiyobabeka kulelizwe, ekugcwaliseni ^aisivumelwano engasenza noyihlo uJakobe; futhi liyoba yi ^bJerusalema Entsha. Futhi amandla asezulwini ayoba phakathi kwalabantu; yebo, ngisho nami ^cngiyoba phakathi kwenu.

23 Bhekani, nginguye lowo uMose akhuluma ngaye, ethi: INkosi uNkulunkulu wenu iyonivusela ^aumphrofethi kubafowenu, onjengami; yena niyomlalela kuzo zonke izinto ayozisho kini noma ngabe yini. Futhi kuyokwenzeka ukuthi wonke umuntu ongeyukumlalela lowo mphrofethi uyosuswa phakathi kwabantu.

24 Ngiqinisile ngithi kini, yebo, futhi ^abonke abaphrofethi kusukela kuSamuweli kanye nalabo abalandela kamuva, ngobuningi babo njengokukhuluma kwabo, bafakaza ngami.

25 Futhi bhekani, ningabantwana babaphrofethi; futhi ningabendlu ka-Israyeli; futhi ^aningabesivumelwano uBaba asenza noyihlo, ethi ku-Abrahama: Futhi ^bngenzalo yakho yonke imindeni yomhlaba iyobusiswa.

26 UBaba eqale ngokungivusela kini kuqala, futhi wangithuma ukuthi nginibusise ^angokuzoniphendula omunye nomunye wenu asuke ekoneni kwakhe; futhi lokhu ngenxa yokuthi ningabantwana besivumelwano—

27 Futhi emva kokuba senibusisiwe ngaleso sikhathi uBaba uyosigcwalisa isivumelwano asenza no-Abrahama, esithi: ^aNgenzalo yakho yonke imindeni yomhlaba iyobusiswa—ekutheleni uMoya oyiNgcwele ngami kwabeZizwe, okuyisibusiso ^bkwabeZizwe esiyobenza babe namandla ngaphezu kwakho konke, ekuhlakazeni abantu bami, O ndlu ka-Israyeli.

28 Futhi bayoba ^awuhlupho kubantu balelizwe. Nokho, ngesikhathi sebelamukele ivangeli lami elipheleleyo, ngaleso sikhathi uma beyoqinisa izinhliziyo zabo ngokumelene nami ngiyobubuyisela ububi babo phezu kwamakhanda abo, kusho uBaba.

29 Futhi ^angiyosikhumbula isivumelwano engisenze nabantu bami; futhi ngivumelane nabo ukuthi ^bngiyobabuthela ndawonye ngesikhathi sami esifanele, nokuthi ngiyophinda futhi ngibanike ^cizwe loyise libe yifa labo, okuyizwe lase ^dJerusalema, okuyizwe lesethembiso kubo ingunaphakade, kusho uBaba.

30 Futhi kuyokwenzeka ukuthi isikhathi sifike, lapho ivangeli lami elipheleleyo liyoshunyayelwa kubo;

31 Futhi ^abayokholwa kimi, ukuthi nginguJesu Kristu, iNdodana kaNkulunkulu, futhi bayokhuleka kuBaba egameni lami.

32 Ngaleso sikhathi ^aabalindi babo bayophakamisa amazwi abo, futhi ngazwi linye bayohlabelela; ngokuba bayobona iso ngeso.

33 Ngaleso sikhathi uBaba uyobabuthela ndawonye futhi, futhi abanike iJerusalema kube yizwe eliyifa labo.

34 Ngaleso sikhathi bayoqhumuka ngentokozo bethi—^aHlabelelani kanye kanye, nina zindawo ezichithiweyo zaseJerusalema; ngokuba uBaba ubaduduzile abantu bakhe, uyikhululile iJerusalema.

35 UBaba uyambulile ingalo yakhe engcwele emehlweni ezizwe zonke; futhi yonke imikhawulo yomhlaba iyoyibona insindiso kaBaba; futhi uBaba kanye nami simunye.

36 Futhi ngaleso sikhathi kuyokwenzeka lokho okubhaliwe: ^aVuka, vuka futhi, futhi ugqoke amandla akho, O Siyoni; gqoka izembatho zakho ezinhle, O Jerusalema, dolobha elingcwele, ngokuba kusuka manje akasekho oyoza kuwe ongasokile futhi nongahlanzekile.

37 Zithintithe othulini; vuka, uhlale phansi, O Jerusalema; zikhulule kuzo izibopho zentamo yakho, O ndodakazi ethunjiweyo yaseSiyoni.

38 Ngokuba isho kanje iNkosi: Nizithengise ngeze, futhi niyokhululwa ngaphandle kwemali.

39 Ngiqinisile, ngiqinisile, ngithi kini, abantu bami bayolazi igama lami; yebo, ngalolo suku bayokwazi ukuthi nginguye lowo okhulumayo.

40 Futhi ngaleso sikhathi bayothi: ^aZinhle kangakanani izinyawo phezu kwezintaba zalowo oletha izindaba ezimnandi kubo, ^bomemezela ukuthula; oletha izindaba ezimnandi kubo zokulunga, omemezela insindiso; othi eSiyoni: UNkulunkulu wakho uyabusa!

41 Futhi ngaleso sikhathi isimemezelo siyozwakala sithi: ^aMukani, mukani, hambani niphume lapha, ningakuthinti lokho ^bokungahlanzekile; hambani niphume phakathi kwakhe; ^chlanzekani nina eniphethe izitsha zeNkosi.

42 Ngokuba ^aaniyikuphuma ngokushesha noma nihambe ngokubaleka; ngokuba iNkosi iyohamba phambi kwenu, futhi uNkulunkulu ka-Israyeli uyoba semva kwenu.

43 Bhekani, inceku yami iyokwenza ngokuhlakanipha; iyokhuliswa futhi ibatshazwe futhi iphakanyiswe kakhulu.

44 Njengokuba abaningi bamangala ngawe—ubuso bayo babonakele kakhulu, ngaphezu kwabo bonke abantu, futhi nesimo sayo ngaphezu kwamadodana abantu—

45 Ngakho-ke ^aiyochela izizwe eziningi; amakhosi ayovala imilomo yawo ngenxa yayo, ngokuba lokho abangazange batshelwe kona bayokubona; futhi nalokho abangazange bakuzwe bayokuqonda.

46 Ngiqinisile, ngiqinisile, ngithi kini, zonke lezi zinto ziyokwenzeka ngempela, ngisho nanjengoba uBaba engiyalile. Ngaleso sikhathi lesi sivumelwano uBaba avumelene ngaso nabantu bakhe siyogcwaliseka; futhi ngaleso sikhathi ^aiJerusalema iyophinde futhi ibe nabantu bami, futhi iyoba yizwe eliyifa labo.