1 Shoko iro ^arakaonekwa ^bnaIsaya mwanakomana waAmozi, riri maererano naJuda neJerusarema:

2 Uye zvichaitika kuti mumazuva ekupedzisira, apo ^agomo ^breimba yaIshe richamiswa pamusoro ^cpemakomo, uye richasimudzirwa pamusoro pezvikomo zvose, uye ose marudzi achayererera kwairi.

3 Uye vanhu vazhinji vachaenda uye vagoti, Uyai imi tiende kugomo raIshe, kumba yaMwari waJakobo; uye vachatidzidzisa nzira dzavo, uye ^atichafamba munzira dzavo; nokuti muZioni ndimo muchabva ^bmutemo, neshoko raIshe kubva kuJerusarema.

4 Uye ^avachatonga pakati pemarudzi, uye vachatsiura vanhu vazhinji: uye vachapfura minondo yavo kuti ive miromo yemagejo, uye mapfumo avo vachaaita ekukwanhurisa miti—rudzi haruzosimudza munondo kubaya rwumwe rudzi, havazodzidza zvehondo zvakare.

5 Imi vemba yaJakobo, uyai imi uye tifambe muchiedza chaIshe; hongu, uyai nokuti mose ^amarasika, mumwe nomumwe munzira dzake dzakaipa.

6 Naizvozvo, imi Ishe masiya vanhu venyu, imba yaJakobo, nokuti ^ayakazadzwa nezvekumabvazuva, uye vanoteerera zvinotaurwa nen’anga ^bsemaFiristia, uye ^cvanozvifadza nevana vevatorwa.

7 Nyika yavowo izere nesirivha negoridhe, upfumi hwavo hauna magumo; nyika yavo izerewo nemahachi, kana ngoro dzavo hadziperi.

8 Nyika yavo izerewo ^anezvifananidzo; vanonamata zvavakaumba nemaoko avo, izvo zvakagadzirwa neminwe yavo.

9 Uye uyo munhu akazvidzika ^ahaakotamise musoro, uye munhu mukuru haazvirereke, saka, musa muregerere.

10 Imi makaipa, pindai mudombo, uye ^amuzvivige muguruva, nokuti kutya Ishe nokubwinya kweushe hwavo kuchakurovai.

11 Uye zvichaitika kuti kuzvikudza kwemunhu kuchanyadziswa, nekuzvikakanyadza kwevanhu kuchakoromorwa, uye Ishe voga ndivo vachakudzwa muzuva iroro.

12 Nokuti ^azuva raIshe weHondo richasvika nokukurumidza kumarudzi ose, hongu, pamunhu wose; hongu, pane ^bvanodada nevanozvikudza, nepane wose akasimudzirwa, achadzikiswa pasi.

13 Hongu, uye zuva raIshe richasvika pamiti yemisida yose yeRebanoni, nokuti yakareba nokukwirira; nepamusoro pemioku yose yeBashani;

14 Uye pamakomo ose marefu, nepazvikomo zvose, nepamarudzi ose akasimudzirwa, nepavanhu vose.

15 Uye nepanharire refu yose, nepashongwe yose yakakomberedzwa.

16 Uye nepangarava dzose ^adzegungwa, nekungarava dzose dzeTarshisi, uye nepamifananidzo yose inofadza.

17 Uye kuzvikudza kwemunhu kuchaderedzwa pasi, nekuzvikakanyadza kwevanhu kuchaderedzwa; uye Ishe voga ndivo vachakudzwa muzuva ^airoro.

18 Uye zvifananidzo vachazvipfuudza zvachose.

19 Uye vachaenda mumwena yematombo, nemumapako epasi, nokuti kutya Ishe kuchavabata nekubwinya kweushe hwavo kuchavarova, pavachasimuka kuti vazunze pasi!

20 Muzuva iroro munhu ^aacharasira zvifananidzo zvake zvesirivha, nezvifananidzo zvake zvegoridhe, zvaakazviitira kuti azvinamate, kunhuta nekumiremwa-remwa;

21 Kupinda mumitswi yematombo, nepamusoro pemabwe akatsemuka, nenzira yekutya kuti Ishe vachauya pamusoro pavo uye ushe hwembiri yavo huchavarova, kana vomuka kuzozunza nyika zvinotyisa.

22 Ibvai ^akumunhu, ane kufema kuri mumhuno dzake; nokuti ndepapi paachazivikanwawo?