1 I awor, Yakob a papia hopi kos mas na mi pueblo na e momentu ei; sin embargo solamente e kosnan aki mi a kousa pa wòrdu skirbí, pasobra e kosnan kual mi a skirbi ta sufisiente p’ami.

2 I awor ami, Nefi, ta skirbi mas di e palabranan di Isaías, pasobra mi alma ta deleitá den su palabranan. Pasobra lo mi kompará su palabranan na mi pueblo, i lo mi manda nan na tur mi yunan, pasobra berdaderamente el a mira mi Redentor, meskos ku ami a mir’é.

3 I mi ruman, Yakob, tambe a mir’é manera ami a mir’é; pues, lo mi manda nan palabranan na mi yunan pa prueba na nan ku mi palabranan ta bèrdat. Pues, pa medio di e palabranan di tres, Dios ta bisa, lo mi establesé mi palabra. Sin embargo, Dios ta manda mas testigunan, i e ta prueba tur su palabranan.

4 Tende, mi alma ta deleitá den proba na mi pueblo e bèrdat di e binida di Kristu; pasobra pa e motibu aki e lei di Moises a wòrdu duná; i tur kos kual a wòrdu duná pa Dios for di prinsipio di e mundu, na hende, ta e tipifikashon di dje.

5 I tambe mi alma ta deleitá den e kombenionan di Señor kual el a hasi na nos tatanan; sí, mi alma ta deleitá den su grasia, i den su hustisia, i poder, i mizerikòrdia den e gran i eterno plan di liberashon for di morto.

6 I mi alma ta deleitá den proba na mi pueblo ku salvo ku Kristu lo bini tur hende lo mester bai pèrdí.

7 Pasobra si no tin Kristu no tin Dios; i si no tin Dios nos tampoko lo eksistí, pasobra lo no tin kreashon. Pero tin un Dios, i e ta Kristu, i e ta bini den e plenitut di su propio tempu.

8 I awor mi ta skirbi algun di e palabranan di Isaías, p’asina esnan di mi pueblo ku mira e palabranan aki elevá nan kurason i regosihá pa tur hende. Awor esakinan ta e palabranan, i boso por kompará nan na boso i na tur hende.