“Wase 37: Ko ira na Vakaitutu ena Matabete: Feperueri 1835,” iTukuni mai na Vunau kei na Veiyalayalati (2002), 140–44
“Wase 37,” iTukuni mai na Vunau kei na Veiyalayalati, 140–44
Wase 37
Ko ira na Vakaitutu ena Matabete
(Feperueri 1835)
Qai dua na nona soqoni bibi e Kirtland, Ohio o Josefa Simici. Ka qai sureti ira na lewe ni iSoqosoqo ni Saioni me ra tiko kina. E tukuna kina vei ira ni vinakata o Jisu me 12 na Apositolo me ratou veivuke ena liutaki ni nona Lotu.
Sa vakarota oti na aTuraga vei Oliver Cowdery, David Whitmer, kei Martin Harris me ratou digidigi vei ira na Apositolo. Ena soqoni oqo, eratou qai tabaki kina me vakalougatataki iratou o Oliver, David, kei Martin mai vei ira na Veiliutaki Taumada ena Lotu. Era qai masu vata. Ratou digitaka kina e 12 na turaga dodonu.
Era sa lesi sara ka tabaki. Oqo o iratou na Tinikarua na Apositolo.
Era bibi sara ena Lotu o ira na Apositolo. Ni ra kila ni sa iVakabula o Jisu. Ka dau vunautaka na kosipeli ki vuravura taucoko.
Ni oti ga e vica na siga, era sa lesi tale kina itutu vakailiuliu ena Lotu eso tale. Oqo o ira na lewe ni iMatai ni Kuoramu ni Vitusagavulu. E veivukei na iMatai ni Kuoramu ni Vitusagavulu kivei iratou na Apositolo. Era liutaka na icolacola ni kaulotu ena Lotu.
Ena dua na siga ni ratou bose tiko o iratou na Apositolo. Eratou vakarautaka tiko na nodratou kaulotu. Ka dau tovolea me ratou bula dodonu. Era sa gadreva na veivuke nei Tamada Vakalomalagi.
Sa vakamasuti o Josefa Simici me kerea e dua na ivakatakila me vukei iratou kina kaulotu. E solia kina o Jisu vei Josefa kei iratou na Apositolo e dua na ivakatakila uasivi. Ka vakaroti iratou kina me baleta na matabete.
Sa matabete tiko ena kaukauwa ni Kalou. Na kaukauwa levu duadua e vuravura oqo. Era vakaivotavota ena matabete o ira na turaga bula dodonu. Ka taurivaka kina na matabete me vakayacori na cakacaka ni Kalou.
E rua tiko na matabete ena Lotu. E dua na Matabete i Melikiseteki. Eratou liutaka na Peresitedi ni Lotu kei rau na nona ivukevuke, o iratou na Tinikarua na Apositolo, kei na iMatai ni Kuoramu ni Vitusagavulu.
E parofita ni Kalou na Peresitedi ni Lotu. Me dau tukuna vei ira na tamata na veika e gadreva vei ira ko Jisu. E tiko eso era dau vukei koya na parofita. E rau nona ivukevuke. Na parofita kei rau na nona ivukevuke eratou Veiliutaki Taumada ni Lotu.
Eso tale na turaga ena Lotu era vakaitutu ena Matabete i Melikiseteki. Ka vakatokai me ra bete levu, vitusagavulu, kei na italatala qase. E rawa ni ra peteriaki, peresitedi ni iteki, lewe ni matabose e cake, ka bisopi o ira na bete levu.
V&V 107:5, 7, 9, 10, 17, 25, 39
Era sa lesi eso me ra vitusagavulu. Era veivakavulici ena kosipeli ena veitabana levu kei na iteki.
V&V 107:96–97
Era sa lesi eso me ra italatala qase. Era dau kaulotu na italatala qase.
E rawa ni ra veimasulaki o ira era vakaitutu ena Matabete i Melikiseteki. E rawa talega vei ira me ra vakatikora na Yalo Tabu.
Na ikarua ni matabete na Matabete i Eroni. E itutu ni Matabete i Eroni na bete, ivakavuvuli, kei na dikoni. E rawa ni veipapitaisotaki na bete. E rawa ni ra masulaka na sakaramede. Me ra vukei ira na italatala qase.
O ira na ivakavuvuli era vakarautaka na sakaramede. Era dauveituberi taiega kina vuvale. Ka tokoni ira na lewe ni Lotu me ra bula savasava.
Era veisoliyaka na sakaramede o ira na dikoni. Me ra vukei bisopi kina. Ka kumuna na isolisoli ni lolo.
E kaya kina o Josefa Simici me ra dau vulica na veika e gadreva vei ira na Kalou o ira taucoko na turaga era lewe ni matabete. Ka dau gugumatua. Me qai vakalougatataki ira kina na Tamada Vakalomalagi.