“Wase 16: Tukuni vei Josefa Simici kei Sidney Rigdon na Veika e baleti Saioni: 1830,” iTukuni mai na Vunau kei na Veiyalayalati (2002), 61–63
“Wase 16,” iTukuni mai na Vunau kei na Veiyalayalati, 61–63
Wase 16
Tukuni vei Josefa Simici kei Sidney Rigdon na Veika e baleti Saioni
(1830)
Ena nodratou ilakolako vakaulotu o Oliver Cowdery kei iratou na nona itokani, eratou mai cegu volekati Kirtland e Ohio. Ratou sotavi Sidney Rigdon kina. E iliuliu ni dua na matalotu o koya.
Sa soli vei Sidney Rigdon na iVola i Momani mai vei iratou na daukaulotu. E wilika sara ko Sidney Rigdon na iVola i Momani. Ka qai masulaka. Sa qai vakaraitaka mai vua o Tamada Vakalomalagi ni dina na kosipeli. E mani qai papitaisotaki o Sidney Rigdon.
Sa vakamasuti ira na nona lewe ni lotu o Sidney Rigdon me ra vakarogoci ira na daukaulotu. E vuqa sara vei ira era papitaisotaki kina. Era lewe 1,000 era papitaisotaki Kirtland.
Sa gadreva o Sidney Rigdon me raici Josefa Simici. Mani laki sikova kina na parofita e New York. Sa solia vei Josefa o Jisu na ivakatakila me baleti Sidney Rigdon. E kaya kina ni na vakayacora o Sidney Rigdon e vuqa na ka bibi. Ni na veituberi kivei ira e vuqa ena kosipeli. Ena papitaisotaki ira ka vakatikora vei ira na isolisoli ni Yalo Tabu.
Sa qai tukuna vei Josefa kei Sidney o Jisu ni sa veisautaki eso na lewe ni iVola Tabu mai na dua na gauna eliu. Eso na italanoa bibi e sega ni tiko ena iVola Tabu. Ena qai tukuna vei Josefa Simici o Jisu na italanoa eso ka sa yali mai na iVola Tabu. Me qai vola sara o Sidney Rigdon.
E dua veu ura oqo na italanoa kei Inoke. O Inoke oqo e dua na parofita rogolevu. Sa dau tuberi ira na nona tamata me ra bula dodonu. Sa vakatokai na Turaga na yavusa bula dodonu nei Inoke me ra Saioni. Era tara e dua na koro ko ira na yavusa i Inoke. Me ra qai vakatokayacataka me Saioni. Sa dau veilomani ko ira e Saioni. Era dau veirairaici ka veivukei. Sa sega sara me dravudravua se vakaloloma.
Era sa talairawarawa na lewe i Saioni kina ivunau ni Tamada Vakalomalagi. Era sa rui uasivi sara ena ivalavala vinaka me mai bulavata kina kei ira o Jisu. Sa qai mai tokitaki ira na lewe i Saioni ki lomalagi na Kalou me ra laki bulavata kei koya.
Sa vakaroti Josefa Simici o Jisu me tuberi ira na nona tamata me ra bula dodonu. Me ra gumatuataka na kena tara e dua tale na koro me yacana ko Saioni. Me koro totoka. O ira kece era lewena me ra dau lomana na Tamada Vakalomalagi. Me ra dau veilomani taucoko ko ira na lewena. Era na marau vakalevu ko ira na lewe i Saioni. Ena lako mai o Jisu me mai bulavata kei ira.