“Wase 35: Biuti Jackson County e Missouri o Ira na Lewe ni Lotu, Missouri: Sepiteba–Tiseba 1833,” iTukuni mai na Vunau kei na Veiyalayalati (2002), 132–34
“Wase 35,” iTukuni mai na Vunau kei na Veiyalayalati, 132–34
Wase 35
Biuti Jackson County e Missouri o Ira na Lewe ni Lotu
(Sepiteba–Tiseba 1833)
Era veivakacacani tiko na tamata ca vei ira na Yalo dodonu e Jackson County, Missouri. Era sa kerea na veivuke o ira na Yalo dodonu mai vua na kovana kei Missouri. E rau laki raica na kovana o William Phelps kei Orson Hyde. Ka rau talaucaka kina na veika era vakayacora na ilawalawa ca. Sa tukuni talega vua na kena talaraki na nodra veivale.
E sega ni qai vukei ira o koya na kovana. Ka dusimaka ni rawa ni ra veivuke na dauveilewai. Ka ra veiwekani tu o ira na davakacaca kei ira na dauveilewai. Me dredre kina ni ra veivuke vei ira na Yalo dodonu.
Era sa veuvaka i ura na Yalo dodonu me ono na siga kei ira na dauvakacaca. Ka talaraki kina na nodra veivale. Era vakamavoataki talega. Era sa basuka na sitoa ka vakacacana na lomana me qera tu kina ki ra na ivoli.
Era cemuri na Yalo dodonu mai na nodra veivale mai vei ira na dauvakacaca. E donuya na vulaililiwa. Ka mate kina e lewe vuqa mai na draki liliwa ka suasua. Me ra biuti Missouri kina o ira na Yalo dodonu, me ra drotaki ira kina na dauvakacaca ka toki kina veikoro eso.
Era sa rarawa sara na Yalo dodonu. Sa vakacacani na nodra veivale, iteitei, kei na sitoa. Ka butakoci na nodra manumanu. Ka ra sega ni vukei mai vua na kovana kei ira na dauveilewai.
Era vakabauta tikoga na Kalou o ira na Yalo dodonu. Era kila deivaki tu na dina ni Lotu Jisu. Karisito. Ka vakadinata ni parofita ni Kalou o Josefa Simici.
Ni tiko mai Kirtland e Ohio o Josefa Simici. E solia kina vua o Jisu e dua na ivakatakila. Me vakaraitaka kina na vu ni nodra leqa. Era sa dau vakadrecike vakalevu.
E kaya o Jisu ni ra sega ni dau veivukei ko ira na Yalo dodonu. Ka sega ni veivotai. Ka dau veivakasewasewani. Era sega ni dau masuta na Kalou ena nodra gauna ni marau. Ka sega ni vakavinavinaka vua. Ni ra dau masu walega ni ra kere veivuke.
Sa veivakadreti o Jisu me ra vakarautaka o ira na Yalo dodonu na nona lesu tale mai ki vuravura. Era na vakacegu kecega ena nona lesu mai. O ira na Yalo dodonu era vakarawarawataki ena vuku i Jisu era na vakalougatataki. Ka bureitaki vei Setani me rawai ira na Yalo dodonu. Ena sega na yalo rarawa. Ni na sega na mate. Eda na marau taucoko ena nona lesu mai o Jisu.