“Wase 39: Sa Vakatabui na Vale Tabu e Kirtland: Janueri–Maji 1836,” iTukuni mai na Vunau kei na Veiyalayalati (2002), 151–54
“Wase 39,” iTukuni mai na Vunau kei na Veiyalayalati, 151–54
Wase 39
Sa Vakatabui na Vale Tabu e Kirtland
(Janueri–Maji 1836)
Sa vakaroti o ira na Yalo dodonu me ra tara na vale tabu e Kirtland. Era sa cakacaka vagumatua o ira na Yalo dodonu me rawa na Vale Tabu e Kirtland. Ra sa vakaotia eso na rumu.
Sa qai curumi me vakayacori na imatai ni soqoni ena vale tabu. Ena soqoni oqo, e vakalougatataki ira kina na iliuliu ni Lotu o tama i Josefa Simici. E Peteriaki ni Lotu o tama i Josefa.
E qai dolavi vei Josefa e dua na raivotu uasivi. Sa vakaraitaki vua na matanitu vakasilesitieli. Sa tiko ena matanitu vakasilesitieli na Kalou. Ka raica o Josefa na totoka ni matanitu vakasilesitieli. Ni qai kunei rau kina na Tamada Vakalomalagi kei Jisu. Sa raica talega o Josefa na tacina, Alvin, ka a sa mate.
Sa vakavuvulitaki vua na veika me baleti ira na gone se bera ni yabaki walu ka ra mate. E tukuna o Jisu ni ra na lako kina matanitu vakasilesitieli.
Sa vakaraitaka o Jisu ni vuqa na tamata era sega ni rogoca na kosipeli ena gauna era tiko kina e vuravura.
E so tale ga era na mai tiko e vuravura ka sega tiko ni rogoca na kosipeli.
Eso vei ira qo era na ciqoma na kosipeli, kevaka e vakavuvulitaki vei ira. O ira oqori era na lako kina matanitu vakasilesitieli.
E sa qai tara oti na Vale Tabu e Kirtland. Sa gauna me vakatabui kina na vale tabu. Oqori na gauna me soli kina vua na Turaga. Me taurivaki walega ena cakacaka ni Turaga. Sa vakayacori kina e dua na soqoni vakarau me vakatabui kina na vale tabu.
E vuqa na Yalo dodonu era tiko ena soqoni. Sa marautaki sara vakalevu na kena rawa na vale tabu. Era sa masumasu ka seresere na Yalo dodonu vua na Tamada Vakalomalagi. Era sa yalataka me ra cakava na veika e vakarota vei ira na Parofita kei ira na iliuliu eso.
Sa wilika o Josefa Simici na masu me vakatabui kina na vale tabu. Me qai vakamareqeti kina na vale tabu. Sa vale ni Turaga. Era a tiko ena vale tabu o ira na agilosi ena siga koya. Sa maliwai ira na Yalo dodonu ena siga ko ya na Yalo Tabu. E dua dina na siga taleitaki.