“Wase 60: Era Toso Tikoga na iVuvu ni Lotu: Maji 1846–Jiune 1846,” iTukuni mai na Vunau kei na Veiyalayalati (2002), 215-17
“Wase 60,” iTukuni mai na Vunau kei na Veiyalayalati, 215-17
Wase 60
Era Toso Tikoga na iVuvu ni Lotu
(Maji 1846–Jiune 1846)
Era toso tale na Yalo dodonu ena itekivu ni vulaitubutubu. Ni se batabata tikoga. Me ra qai tauvimate ka mate sara eso.
E dredre na ilakolako ni ca sara na sala. Me ra toso sara vakamalua. Sa vanua bucabuca ka vica wale na kena delana lalai. Ka tubu vakalevu na co balabalavu. E vakatokai na mataqali vanua vakaoqo me buca. Era bula kina o ira na Idia. Ni sega kina na koro se iteitei.
Sa talai ira eso o Brigham Young me ra laki qara e dua na vanua vinaka me ra laki keba kina. Ka laki caka na ta kau ka tara na vale lalaga kau. Sa laki caka na ikawakawa kina uciwai eso. Me rawarawa kina na nodra ilakolako eso. Era vakayacani na Yalo dodonu ka lako tiko oqo kina yasayasa ira me ra ivuvu.
Ra sa yacova yani na Yalo dodonu e dua na uciwai rabailevu. Ka yaca ni vanua era laki vakacegu kina oqo me Council Bluffs. Era mai tomani ira eke o ira na Yalo dodonu era a liu mai. Era sa keba voleka tiko. Me ra tiko e kea na ivuvu me yacova na vulaikatakata.