“Wase 23: Na Vunau kei na Veiyalayalati: Okosita–Noveba 1831,” iTukuni mai na Vunau kei na Veiyalayalati (2002), 90–92
“Wase 23,” iTukuni mai na Vunau kei na Veiyalayalati, 90–92
Wase 23
Na Vunau kei na Veiyalayalati
(Okosita–Noveba 1831)
Era sa qai biuti Missouri o Josefa Simici kei na so tale na Yalo dodonu. Me ratou lesu tale ki Kirtland e Ohio. E dua tiko na nodra lotuvata na Yalo dodonu mai Ohio.
Sa solia na Turaga vei Josefa Simici e vuqa na ivakatakila. E dau vola tu o Josefa Simici na ivakatakila taucoko. Era gadreva na Yalo dodonu me biu kina ivola na ivakatakila taucoko. Me qai vakatokai me iVola ni Vunau. Me qai veisau e muri me Vunau kei na Veiyalayalati.
E tukuna o Jisu vei Josefa ni rui bibi na ivakatakila e solia. Sa vu mai vua na Kalou. E dina taucoko na lewena. Sa solia tale o Jisu e rua na ivakatakila. E dua vei rau me imatai ena Vunau kei na Veiyalayalati. Ka dua me kena itinitini. E tukuni ruarua kina ni ivola bibi na Vunau kei na Veiyalayalati.
E tukuna tiko na Vunau kei na Veiyalayalati ni sa tiko tale e vuravura na Lotu dina i Jisu Karisito.
E vakamacalataki ena Vunau kei na Veiyalayalati na veika me baleta na matabete. Sa tiko tale vei ira na turaga bula dodonu na kaukauwa vakabete.
E tukuna talega na Vunau kei na Veiyalayalati na veika me baleta na iVola i Momani. E rawa ni ra wilika na iVola i Momani o ira na tamata. Me rawa kina ni ra kila na tamata kecega na kosipeli i Jisu Karisito.
E veivakavulici talega vei ira na Yalo dodonu na Vunau kei na Veiyalayalati me ra dau veinanumi. O ira na Yalo dodonu era dau veinanumi era na vakauqeti tiko mai vua na Yalo Tabu.
Sa vakatavulici tiko na ivakaro ni Kalou ena Vunau kei na Veiyalayalati. O ira na Yalo dodonu era vakamuria na ivakaro eso oqo era tara na cake na koro o Saioni. Me ra bula vata kei Tamada Vakalomalagi kei Jisu me tawamudu.
E vakarota o Jisu me ra wilika taucoko na lewe ni Lotu na Vunau kei na Veiyalayalati.
Ni oti na lotuvata, sa qai lako ki Missouri o Oliver Cowdery. E kauta tiko na ivakatakila ka sa vola tu o Josefa. Me qai laki solia vua e dua na dautabaivola. Sa vakaroti koya me tabaka e 3,000 na ivola, ia era qai tarova o ira na tamata ca ka vakarusa e vuqa na drauniveva ni ivola.
E qai tabaki na Vunau kei na Veiyalayalati ena yabaki 1835. Era sa vakavinavinaka o ira na Yalo dodonu vua na Tamada Vakalomalagi ena vuku ni Vunau kei na Veiyalayalati. Era sa yalataka ni ra na tukuna vei ira na tamata ni vu mai vua na Kalou na ivakatakila era volai tu ena loma ni ivola.