“Wase 44: Saumi Katini: Jiulai 1838,” iTukuni mai na Vunau kei na Veiyalayalati (2002), 165–66
“Wase 44,” iTukuni mai na Vunau kei na Veiyalayalati, 165–66
Wase 44
Saumi Katini
(Jiulai 1838)
Era tiko mai Far West e Missouri o ira na Yalo dodonu. Sa vakarota oti na Turaga vei Josefa Simici me ra musu ikatini o ira na nona tamata. Sa masumasu kina o Josefa vua na Tamada Vakalomalagi. Sa qai taroga na levu ni ilavo me ra sauma na Yalo dodonu. E qai ciqoma kina na ivakatakila ni Turaga. Sa vakaroti ira me ra musuka na ikatini ni veika kecega era rawata o ira na Yalo dodonu me nodra ikatini.
Kevaka era saumi ena tini na peni, me ra vakasuka e dua na peni me nodra ikatini. Ka tini na peni me nodra ikatini, kevaka era rawata e duanadrau na peni.
E rawa ni ra musu ikatini na Yalo dodonu ena so tale na sala. Era dau solia o ira na Yalo dodonu na ikatini ni veika era tea. Me saumi na ikatini ni nodra vuanisila se co kakana ni manumanu. Me saumi tale ga na ikatini ni manumanu kecega era taukena. Ka saumi tale ga na ikatini ni sucu kei na kakana draudrau.
E taurivaki na ikatini me ra vukei kina na lewe ni Lotu. Me voli kina na kedra kakana kei na nodra isulu na vakaloloma.
Me tara tale ga na vale tabu ka tokoni na kaulotu ena ikatini. Ka vukei kina o ira era musuka vakadua na nodra gauna vua na Turaga.
Me da solia na noda ikatini vua na bisopi. Ka solia sara na bisopi vei ira na iliuliu ni Lotu. Era na qai vakatulewa me baleta na ikatini o ira na iliuliu ni lotu.
Sa dau solia na veika vinaka o Tamada Vakalomalagi vei ira na Yalo dodonu era saumi katini. O ira na Yalo dodonu era sega ni saumi ikatini, era na sega ni taukena na isolisoli taucoko oqo. E kaya na iVola Tabu ni o ira na Yalo dodonu era sega ni saumi katini era sa butakoca tiko na Kalou.