“Wase 10: Na iMatai ni Caka Mana ena Lotu: Epereli 1830,” iTukuni mai na Vunau kei na Veiyalayalati (2002), 43–44
“Wase 10,” iTukuni mai na Vunau kei na Veiyalayalati, 43–44
Wase 10
Na iMatai ni Caka Mana ena Lotu
(Epereli 1830)
Sa vakayacori na soqoni ka tarava ni Lotu i Jisu Karisito ena Siga Tabu, 11 ni Epereli 1830. Era sa lako mai kina soqoni o ira na lewe ni Lotu. Era sa vakatokai na lewe ni Lotu me ra Yalo Dodonu.
Sa vuqa tale na tamata era tiko ena soqoni. Era se bera ni lewe ni Lotu. Sa tuberi ira ena kosipeli i Jisu Karisito o Oliver Cowdery. E vuqa sara era rogoci Oliver era vakabauta na nona vosa ka gadreva me ra lewe ni Lotu. Ka ra qai papitaisotaki ni sa oit na soqoni.
E sega ni nona gagadre o Setani me ra curu ena Lotu o ira na tamata. Sa qai saga me vakalomacataki ira na tamata vinaka. E dua vei ira oqo o Newel Knight. E sega ni lewe ni Lotu o Newel Knight. E sega ni vinakata o Setani me papitaisotaki o koya.
Sa digitaki Newel o Josefa me cavuta na nodratou masu ena dua na soqoni. Sa yalataka ko Newel ni na masu.
E sega ni vinakata ko Setani me muria ko Newel na lewa nei Josefa. Sa qai lako kina soqoni ko Newel ka sega ga ni cabora na masu. E vakaraitaka ni rerevaka na me cabomasu me rogo.
Sa qai lako e muri ko Newel Knight kina veikau. Sa gadreva me masu taudua. E vinakata me vosa, ia, e dredre me sereka na yamena. Sa mani tauvimate. E tuburi koya na rarawa kei na rere. Sa duri ka lako ki nona vale.
E lomaleqataki koya vakalevu ko wati Newel. Sa kerei Josefa Simici ko watina me vukei Newel. Me veivuke ka vakalougatataki Newel, sa taurivaka ko Josefa na kaukauwa vakabete ka tu vua. Sa bula vinaka tale ko Newel. Ni sa kautani mai vua na mate. Sa donuya yani na marau. Ena sega ni rawai koya ko Setani. Sa qai papitaiso e muri ko