“Wase 57: Na iLiuliu Vou ni Lotu: Jiulai–Okosita 1844,” iTukuni mai na Vunau kei na Veiyalayalati (2002), 206–8
“Wase 57,” iTukuni mai na Vunau kei na Veiyalayalati, 206–8
Wase 57
Na iLiuliu Vou ni Lotu
(Jiulai–Okosita 1844)
Sa mai mate na Parofita Josefa Simici. Ka sa sega ni dua e Peresitedi ni Lotu. Era sa lecaika na Yalo dodonu me baleti koya me nodra iliuliu.
Era lewe levu na Apositolo era se kaulotu tu.
Sa ivukevuke tiko nei Josefa Simici o Sidney Rigdon. Sa dau talaidredre vua na Kalou. Ka sa toki mai Nauvoo.
Sa rogoca o Sidney Rigdon ni sa mate na Parofita. E qai lesu mai ki Nauvoo. Ka gadreva me liutaka na lotu.
Eratou sa lesu mai na kaulotu o Brigham Young kei ira na Apositolo. E nodra iliuliu tiko na Apositolo o Brigham Young. Sa dusimaka me veiliutaki tiko ena Lotu o iratou na Apositolo me yacova ni sa digitaki e dua na Peresitedi.
Era sa soqoni na lewe ni Lotu. Sa vosa vei ira o Sidney Rigdon. Ka kaya ni sa kena dodonu me iliuliu o koya ena Lotu.
Sa qai tucake o Brigham me tauca na nona itavi vosa. E kaya ni dodonu me veiliutaki ena Lotu o iratou na Apositolo. Sa tiko vua na Yalo Tabu. Sa rogo vakai Josefa Simici na domoi Brigham Young. E qai rairai vakalekaleka na yagona me vaka na ituvaki kei Josefa Simici. Sa matata vei ira kecega ni sa dodonu me ratou veiliutaki na Apositolo ena Lotu. Sa rarawa o Sidney Rigdon. Ka lesu ki nona vale. Me tauyavutaka kina na nona lotu vakaikoya. Sa sega tale ni lewena na Lotu i Jisu Karisito me baleti Ira na Yalo dodonu e na Gauna Oqo.