“Wase 63: Na Yalo dodonu e Rocky Mountains: Jiulai 1847,” iTukuni mai na Vunau kei na Veiyalayalati (2002), 230–33
“Wase 63,” iTukuni mai na Vunau kei na Veiyalayalati, 230–33
Wase 63
Na Yalo dodonu e Rocky Mountains
(Jiulai 1847)
Era sa tekivu tara e dua na koro ena Great Salt Lake Valley o ira na ivuvu. Ka vakatoka me Salt Lake City. Sa tukuna o Brigham Young na tikina me tara kina na vale tabu.
Sa wasewasea na koro o Brigham Young. Me vakaivotavota na vuvale yadudua kina qele me tara kina na nodra vale kei na iteitei. Era sa tara o ira na ivuvu na vale vakalalaga ena tolo ni kau. Ka teitei talega. Me ra qacoya vakalevu sara tiko na nodra cakacaka. Sa vakarota o Brigham Young vei ira na Yalo dodonu me ra gumatuataka na veika era gadreva.
Sa vidai na koro kina lima na tabana levu. Era sa tara vale ni lotu sara. Sa lako talega mai kina buca eso tale na ivuvu. Ka yaco sara kina me tinikaciwa na tabana levu.
Era tauyavutaka sara na ivuvu e dua na koronivuli. E vakayacori ena vale vata ga na vuli kei na lotu. Sa qai tauyavu e muri na Wilivola Tabu.
Sa lesia o Brigham Young eso na daukaulotu me kosova na wasawasa ka cabeta yani na veivanua tani. Ena so na vanua, era curu kina lotu e vica wale ga.
Ena so na vanua era sa vakabauta sara na daukaulotu. Ka curu kina Lotu. Era gadreva talega me ra laki tomani ira na Yalo dodonu ena Great Salt Lake Valley. Ka ra kosova yani na wasawasa ena waqa.
Eso era kosova talega na veibuca ena qiqi vakavale. Ka sega na ilavo vei ira eso me ra volia kina na nodra qiqi. Sa tara rawa ga na qiqi dretiiliga ka rua na yavana. Era vakatokai me ra qiqiliga. Era vakavodoka ki loma na nodra iyaya taucoko o ira na ivuvu. Era biliga ka dreta na qiqi me ra kosova yani na veibuca. Sa cakacaka dredre sara na bili qiqi. Sa tauvimate ka mate sara kina eso.
E iliuliu vuku o Brigham Young. Sa digitaki ira tale eso me ra lako kina veivanua eso ki na muaira ni vanua. Era laki tara koro eso ki California. Me ra tara koro talega eso mai Idaho, Arizona, kei Wyoming. Sa ka ni rarawa vei ira eso na nodra biu itikotiko. Me ra vakamuria ga na vosa nei Brigham Young.
Sa vuqa na leqa era donuya na Yalo dodonu. E dau matemate na nodra iteitei. Ka kauta tani na ualuvu na nodra were. Era dau butakoci ira tale ga o ira na Idia, ka vakamatei ira sara ena so na gauna.
Sa vakaroti ira na Yalo dodonu ko Brigham Young me ra dau lomani ira na Idia. Era sa dau soli kakana vei irana Idia o ira na Yalo dodonu. Sa vuqa vei ira na Idia era veiwekani sara kei ira na Yalo dodonu.
Sa tekivu na nodra tara vale tabu o ira na Yalo dodonu mai na yasayasa vakara. Sa tekivu tara na vale tabu mai Salt Lake City ena 1853. Era tara tiko na vale tabu me vasagavulu na yabaki. E ra qai tara vakaoti tale e muri e tolu na vale tabu o ira na Yalo dodonu ka qai oti e muri na vale tabu mai Salt Lake City. Era tara na Vale Tabu e St. George, e Logan, kei Manti.