“Wase 34: Sa Veivakaroti na Kalou vei ira na Lewe i Saioni: Jiulai–Okosita 1833,” iTukuni mai na Vunau kei na Veiyalayalati (2002), 128–31
“Wase 34,” iTukuni mai na Vunau kei na Veiyalayalati, 128–31
Wase 34
Sa Veivakaroti na Kalou vei ira na Lewe i Saioni
(Jiulai–Okosita 1833)
Sa vakaroti ira tale na Yalo dodonu na Kalou me ra lako ki na yasana o Jackson e Missouri. E vuqa na tamata era laki vakaitikotiko vakadua e kea. Ka tara kina na veivale, sitoa, kei na vale ni tabaivola.
E sega ni vinakata o Setani me ra tiko e Jackson County o ira na Yalo dodonu. Sa nona nanuma me kua ni ra tara cake na koro o Saioni. E vinakati ira na tamata me ra veivorati kei ira. Ka sa nanuma o Setani me ra na biuta koso na vanua ko ya ko ira na Yalo dodonu. Me ra dau cakava ko ira na tamata na veika e vinakata vei ira o Setani. Era sa saga vagumatua me ra toki mai kea o ira na Yalo dodonu.
Era vei vosaki o ira na ilawalawa ca. Era qai talai ira eso me ra laki raid ira na iliuliu ni Lotu. Sa qai tukuni vei ira na Yalo dodonu me ra toki mai Jackson County. Ia, e ra sa kila tu ga na iliuliu ni Lotu ni gadreva vei ira na Kalou me ra tara cake na koro o Saioni e Jackson County. E ra qai kaya vei ira na ilawailawa tamata koya ni ra na sega ni lako o ira na Yalo dodonu.
Era lesu tale kina nodra ilawalawa ca o ira na tamata ko ya. Era sa rarawa vakalevu na ilawalawa dauvakacaca ko ya. Me ra sikabotea kina na nodra valenitabaivola na Yalo dodonu. Ka ra vakarusa vakadua. Sa sega ni rawa kina me ra tabaka na ivola kei na itukutuku o ira na Yalo dodonu.
Era toboki Bisopi Partridge kei Brother Allen ko ira na ilawalawa ca oqo ka luvata na nodrau isulu. Ka rau qai boro ena kuluta katakata kei na vuti ni manumanu e yagodrau. E ra sa laurai eso tale na lewe ni Lotu ka ra qai mokulaki.
Ni oti e bogi tolu, era sa vodo ose yani ki loma ni koro ko ira na dauvakacaca. Era sa vanalaka na veivale ena nodra dakai. Ka kailavaka na veika eso me ra vakasewasewani kina na Yalo dodonu. Era yalataka me ra kanakuitakataki ira era na sotava. Era sa vakasaqarai na iliuliu ni Lotu. Sa qai vuni matua sara ko ira na iliuliu ni Lotu mai vei ira na dauvakacaca.
E dua vei ira na iliuliu oqo o Oliver Cowdeiy. Sa qai biuta na yasana o Jackson County. Me lako vei Josefa e Kirtland.
Sa qai tukuna vei Josefa o Oliver na veika era vakayacora tiko na tamata ca mai Saioni. Era sa vakatataro na Yalo dodonu e Jackson se cava me ra vakayacora.
Sa tukuna o Josefa vei Oliver na veika me baleta na ivakatakila ka a solia vua o Jisu. E tukuna na Turaga me ra tara na Yalo dodonu e dua na vale tabu e Saioni. Ka me ra saumi ikatini na Yalo dodonu. Ena saumi na tara ni vale tabu mai na nodra musuka na nodra ikatini. E talaucaka o Jisu vei Josefa ni na tubu me levu ko Saioni kevaka era talairawarawa na Yalo dodonu vua na Kalou. Era na vakararawataki kevaka era sega ni talairawarawa vua na Kalou.
E tataunaka ko Jisu me ra talairawarawa na Yalo dodonu kina lawa ni matanitu. Me ra dau veidigitaki ko ira na Yalo dodonu vei ira na tamata dodonu me ra iliuliu ni matanitu. Era dau veiliutaki vakalevu o ira na tamata ca. Era na rarawa kina vakalevu o ira na bula dodonu.
Era vakaroti na Yalo dodonu me ra kakua ni dau caka ca. E kaya vei ira Yalo dodonu o Jisu me ra kakua ni lomaleqataki ira na ilawalawa ca. Me ra kua ni cati ira na tamata ca. Ka me ra dau veivosoti na Yalo dodonu vei ira na tamata ca. Ka veivala ga ni ra sa vakaroti kina ivalu mai vua na Kalou. Era na totogitaki na tamata ca mai vua na Kalou.
E qai kaya ko Jisu vei ira na Yalo dodonu e Saioni ni ra na donuya eso na leqa me dua na gauna lekaleka. Era a sega ni talairawarawa kina ivunau. Ena dua na gauna, ena vukei ira na Yalo dodonu me ra tara cake na koro o Saioni o Jisu. Ka me qai vakalougatataki ira o Jisu.