“Wase 36: Na iSoqosoqo ni Saioni: Feperueri–Jiune 1834,” iTukuni mai na Vunau kei na Veiyalayalati (2002), 135–39
“Wase 36,” iTukuni mai na Vunau kei na Veiyalayalati, 135–39
Wase 36
Na iSoqosoqo ni Saioni
(Feperueri–Jiune 1834)
E rogoca rawa o Josefa Simici mai Kirtland e Ohio ni ra sa vakacacani tiko na Yalo dodonu e Missouri. Ni ra sa veicemuri ko ira na dauvakacaca vei ira na Yalo dodonu mai na nodra veivale. Era sa kere veivuke na Yalo dodonu vua na Tamada Vakalomalagi.
E solia kina o Jisu e dua na ivakatakila vei Josefa Simici. Ka kaya me ra lako ki Missouri eso vei ira na lewe ni Lotu me ra laki vukei ira na Yalo dodonu. Me liutaki ira o Josefa Simici. Ka me ra kauilavo tiko me ra laki voli qele. Sa vakarota na Turaga me lako e lewe 500 na turaga.
Sa muria ko Josefa na ivakaro ni Turaga. Ka tukuna vei i ra na Yalo dodonu me lako ki Saioni e Missouri e 500 na turaga. E kerei ira me ra lako yani ki Kirtland. E 100 walega vei ira e lako. O ira na kena vo tiko era sa sega ni muria na vosa ni Turaga.
Era vakatokai na ilawalawa e 100 oqo me iSoqosoqo ni Saioni. Era sa gole yani ki Saioni. Eso vei ira era taubale. Ka so era vodo qiqi. Me ra dau soqoni vata ena bogi. Sa tomani ira ena ilakolako e 100 tale.
Era lakova e 1,000 na maile. Sa ilakolako balavu ka dredre. Ka lailai na kedra kakana vinaka.
Eso vei ira era vosakudrukudrutaka na dredre ni ilakolako. Ni ra cata na kakana. Era kaya ni iliuliu ca o Josefa Simici. E vunauci ira oqo o Josefa Simici me ra veivutuni. Ke sega, era na tauvimate ka mate sara.
Eso ga vei ira era bula dodonu. Ka dau vukei Josefa Simici. Era talairawasrawa vua na Kalou. Ka vakadinadinataka ni ra lomana na Lotu i Jisu Karisito. E guilecava dredre o Josefa Simici na nodra dau lomani koya.
Era sa qai tadu yani ki Missouri o ira na lewe ni iSoqosoqo ni Saioni. Me ra birika na nodra vale ena yasa ni uciwai.
Era taura rawa o ira na dauvakacaca ni ra sa tiko e kea. Era sa torova yani na keba ena bogi o ira na dauvakacaca. Era sa gadreva na dauvakacaca me ra vakamatei o ira era lewe ni Soqosoqo ni Saioni.
Sa vakavuna na Kalou e dua na cagi ca. Me ra tacavu kina na veikau. Me lutu kina mai lomalagi na vatu. Sa caudre na veivunikau mai na livaliva kei na yaseyase. Ka luvuci na vanua mai na uciwai. E dua sara na dauvakacaca e vakamatei ena livaliva kei na yaseyase. Ka so vei ira era mavoa.
Era sa rere na dauvakacaca. Era kila vinaka ni sa vukei ira tiko na lewe ni iSoqosoqo ni Saioni na Kalou. Me ra dro sara kina o ira na dauvakacaca. Sa sega ni ra vakacacani ko ira na lewe ni iSoqosoqo ni Saioni mai vei ira na dauvkacaca. Ka sega ni ra vakaleqai mai na tokavuki o ira na isoqosoqo i Saioni.
Ena siga rua ki muri, sa solia tale na Turaga e dua na ivakatakila vei Josefa Simici. Sa gadreva kina na Turaga me ra lewa o ira na lewe ni iSoqosoqo ni Saioni me ra tiko e Missouri, se me ra lesu ki Kirtland.
E kaya o Jisu ni so vei ira era sega ni muria tiko na nona vosa. E sega ni taleitaki ira oqo. Me so ga era talairawarawa tiko. Sa marautaki ira na Turaga. E yalataka vei ira ni ra na vakalougatataki ena nona kaukauwa.
Ena vica ga na siga ki muri, era sa tauvimate o ira eso ena iSoqosoqo ni Saioni. E mate kina e tinikava vei ira. Sa vakaroti ira oti o Josefa Simici ni ra na mate kevaka era sega ni veivutuni.
Sa laki sota kei ira na Yalo dodonu e Missouri o Josefa Simici. E digia kina na lewe ni matabose e cake. Me ratou qai suka tale ki Kirtland kei ira na nona itokani.
Era a sega ni veivuke rawa na iSoqosoqo ni Saioni vei ira na Yalo dodonu mai Missouri. E vakavu mai na nodra talaidredre vua na Kalou. Me kaya kina na Kalou ni ra na tauyavutaki Saioni ga ko ira na bula dodonu.
V&V 105:2–10