“Wase 20: iSolisoli ni Yalo Tabu: 8 Maji 1831,” iTukuni mai na Vunau kei na Veiyalayalati (2002), 77–80
“Wase 20,” iTukuni mai na Vunau kei na Veiyalayalati, 77–80
Wase 20
iSolisoli ni Yalo Tabu
(8 Maji 1831)
.E levu na Yalo dodonu era sega ni kila vinaka na veika e baleta na Yalo Tabu. E veituberi vei Josefa Simici o Jisu me baleta na Yalo Tabu. Na Yalo Tabu e ivukevuke nei Tamada Vakalomalagi kei Jisu. E sega vua na Yalo Tabu na yago, kuli kei na sui. E yalo o koya.
Sa tukuna o Jisu ni na vukei ira na bula dodonu Yalo Tabu. Ka dau veivuke vua na Kalou ena kena ukutaki na nodra bula. Era vakaisolisoli taucoko o ira na Yalo dodonu. Me ra dau taurivaka o ira na Yalo dodonu na nodra isolisoli talei oqo me ra veivukei kina. Sa vakaraitaka vei Josefa Simici o Jisu na isolisoli eso oqo.
E solia na Yalo Tabu na isolisoli ni vakadinadina vei ira eso na Yalo dodonu. Me ra kila kina ni Luve ni Kalou o Jisu Karisito. Era kila tiko ni a mate ena vukuda. Eso na Yalo dodonu e soli vei ira na isolisoli me ra vakabauta na ivakadinadina kei Jisu.
E so na Yalo dodonu e soli vei ira me ra veiliutaki.
Ka so na Yalo dodonu era vakailolomataki ena kila na yalo e vinaka kei na yalo velavela. Na yalo vinaka e vu mai vua na Kalou. Me vakavu marau vei keda. E vaka na rarama. Na yalo velavela e vu mai vei Setani. Ena vakatubu yalokaukauwa vei keda. Ena vaka na bula ena butobuto.
E solia na Yalo Tabu vei ira eso me ra yalomatua. Ka dau digitaka kina na veika vinaka. Sa soli talega vei ira eso na Yalo dodonu me ra kila ka ena veika vakavuli. Era qai vakatavulica vei ira na Yalo dodonu me ra digidigi vakadodonu.
E so na Yalo dodonu e soli vei ira na vakabauta me ra vakabulai kina mai na veimasulaki. Ka sa solia na Yalo Tabu vei ira eso na Yalo dodonu me ra caka mana. E vakaraitaki ena caka mana na kaukauwa ni Kalou.
E soli vei ira eso na Yalo dodonu me ra vosataka na ivosavosa era sega ni kila.
E isolisoli ni Yalo Tabu me ra kila eso na Yalo dodonu na veika e se bera ni yaco.
E soli vakalevu na iloloma vei ira eso na Yalo dodonu.
E kila tiko o bisopi na isolisoli e taukena voli e dua na Yalo dodonu. Sa kila tu o koya ena qasenivuli vinaka. Ka kila talega o koya ena caka mana. E kilai ira talega na Yalo dodonu era lomana na Kalou, ka talairawarawa kina ivunau ni Kalou.
Eso vei ira na Yalo dodonu e levu sara na nodra isolisoli. Me ra dau veivukei me ra kunea kina na isolisoli era gadreva. Sa ivurevure ni isolisoli taucoko na Kalou.