“Wase 30: Na iVakatakila me Baleta na iValu: 25 Tiseba 1832,” iTukuni mai na Vunau kei na Veiyalayalati (2002), 117–18
“Wase 30,” iTukuni mai na Vunau kei na Veiyalayalati, 117–18
Wase 30
Na iVakatakila me Baleta na iValu
(25 Tiseba 1832)
Era sa papitaisotaki tiko e lewe vuqa kina na Lotu i Jisu Karisito. Sa dau vakamarautaki ira na kosipeli. E qai vakaleqai ga na lomadra na Yalo dodonu ena vuku ni veika e yaco tiko mai veivanua tani.
Sa yaco tiko e vuqa na ka rarawa ena veiyasai vuravura eso. Me vaka na uneune. Era sa tauvimate e lewe vuqa. Ka so sara era mate.
E yaco tale ga e Amerika na leqa vakaoqori. Eso na lewena era besetaka me ra qali tiko ki Amerika. Ka gadreva ga na nodra i liuliu.
Ena Siga ni Sucu, 1832, sa qai solia kina vei Josefa Simici o Jisu e dua tale na ivakatakila. Na ivakatakila oqo e baleta tiko na ivalu.
E kaya kina o Jisu ni na yaco na ivalu e Amerika. Era na veivaluvaluti kina o ira na lewe i Amerika.
Era na veivaluvaluti talega e muri o ira ena veivanua eso. Me ra veivala tiko na kai vuravura kecega. E vakarota kina o Jisu me ra dau ivalavala vinaka o ira na Yalo dodonu. Me ra vakarautaka kina na nona lesu tale mai ki vuravura.
Sa rarawataka sara o Josefa na itukutuku ni ivalu. Sa vakadinata ga ni dodonu me ra vakamuria na ivunau ni Kalou o ira na tamata. Era na sega kina ni veivala ka me boko vakadua na veivaluvaluti.