“Wase 6: Lesi o Josefa kei Oliver kina iTutu Vakabete: Me 1829,” iTukuni mai na Vunau kei na Veiyalayalati (2002), 26–30
“Wase 6,” iTukuni mai na Vunau kei na Veiyalayalati, 26–30
Wase 6
Lesi o Josefa kei Oliver kina iTutu Vakabete
(Me 1829)
E rau vakadewataka tiko na iVola i Momani o Josefa Simici kei Oliver Cowdery. Rau wilika kina na veipapitaisotaki. Sa qai lomadrau me rau kila vakavinaka cake na veipapitaisotaki.
Sa nodrau lewa o Josefa kei Oliver me rau kerea vua na Kalou. Rau vakabauta dina ni na vukei rau na Kalou kina veika dina. Ena i ka 15 ni Me 1829, rau sa laki masumasu kina ena veikau.
Sa rairai mai vei Josefa kei Oliver e dua na agilosi. E volivoliti koya tu na agilosi na rarama. Na agilosi oqo o Joni na Dauveipapitaiso. E a papitaisotaki Jisu ena gauna e liu.
E mai vakatikora vei Josefa kei Oliver ko Joni na Dauveipapitaiso na itutu ena matabete. E tiko na matabete oqo na kaukauwa ni Kalou. Sa mai tabaki Josefa kei Oliver kina Matabete i Eroni. Era vakadonui na bete ena Matabete i Eroni me ra veipapitaisotaki.
Sa vakaroti Josefa kei Oliver ko Joni na Dauveipapitaiso me rau veipapitaisotaki vakai rau. E papitaisotaki Oliver ko Josefa. Ka qai papitaisotaki Josefa ko Oliver. Rau sa tabadromuci e wai ni rau papitaisotaki.
Ena gauna e liu, e a papitaisotaki Jisu o Joni na Dauveipapitaiso ena sala vata ga koya. Ka tabadromuci o Jisu ena nona papitaisotaki.
E rau sa vakasinaiti o Josefa kei Oliver ena Yalo Tabu ni rau sa papitaisotaki oti. Sa tukuna vei rau na Yalo Tabu ni sa na vaksukai tale mai ki vuravura na Lotu dina i Jisu Karisito.
E rau sa tukuna vei ira na nodrau itokani vinaka o Josefa kei Oliver ni rau sa papitaisotaki. Ka rau vakamacalataka talega na matabete. Rau sega ni tukuna o Josefa kei Oliver vei ira na tamata tani. Ni rau kila deivaki tu ni sa dredre sara vei ira na tamata ca me ra vakabauti rau. Era na vakavu ca vei rau.
Ena vica ga na siga ki muri, sa rairai tale mai vei rau e tolu tale na agilosi. Oqo ko Pita, Jemesa, kei Joni. Ko iratou oqo na a nona Apositolo o Jisu mai na gauna e liu. E ratou sa mai veitabaki vei rau o Josefa kei Oliver kina Matabete i Melikiseteki.
Sa tiko tale e vuravura na matabete ni Kalou. Me qai soli kina vei ira na bula dodonu na kaukauwa vakabete. O ira era lewena na Matabete i Melikiseteki e rawa ni ra veiliutaki ena Lotu. Me ra vakalougatataki ira kina na tamata. Sa na rawa ni ra veitabaki me soli kina na isolisoli ni Yalo Tabu.
V&V 20:41–44