“Wase 24: Me ra Dauveivakavulici na iTubutubu vei ira na Luvedra: Noveba 1831,” iTukuni mai na Vunau kei na Veiyalayalati (2002), 93–95
“Wase 24,” iTukuni mai na Vunau kei na Veiyalayalati, 93–95
Wase 24
Me ra Dauveivakavulici na iTubutubu vei ira na Luvedra
(Noveba 1831)
E so na Yalo dodonu mai Ohio era laki raici Josefa Simici. Sa solia o Jisu vei Josefa e dua na ivakatakila ena vukudra. E vakaraitaka o Jisu vei ira na Yalo dodonu na sala me ra itubutubu vinaka kina.
V&V 68: iVakamacala
E tukuna o Jisu me ra paitaisotaki na gone ni ra sa yabaki walu. Sa vakaroti ira na itubutubu me ra veituberi vei ira na luvedra me baleta na kosipeli ni bera na nodra papitaiso.
Me ra kilai Jisu o ira na lalai. Ka dau vakabauti koya.
Me ra dau kila vinaka na gone na sala ni nodra veivutuni.
Me ra kila na gone na ibalebale ni papitaiso. Ka dau gumatua tiko me ra lewe ni Lotu vinaka.
Me ra kila na masu. Ka matau ena vakarogoca na veivakaqueti ni Yalo Tabu.
Me ra kila vinaka na lalai na ivunau ni Kalou. Ka dau talarawarawa kina.
Me ra dau veituberi o ira na itubutubu ena veika oqo vei ira na gone. Era na beitaki o ira na itubutubu ena vuku ni nodra caka cala na luvedra, ke sega ni ra tuberi ena kosipeli.