Ripote mai na Tabacakacaka ni Dikevi Vika ena Lotu, 2009
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Me vaka e vakamacalataki ena ivakatakila ena wase 120 ni Vunau kei na Veiyalayalati, eratou na vakadonuya na Matabose ni Wasewasei ni iKatini na vakayagataki ni ilavo ni Lotu. Era lewena na matabose oqo na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa. Na matabose oqo e solia na veivakadonui ena ilavo vakarau ni veitabacakacaka ni Lotu kei na kena cakacaka. Me ra na qai vakayagataka na veitabacakacaka ni Lotu na tuvailavo vakadonui me baleti ira, me salavata kei na kena lawatu vata kei na kena ivakarau ena Lotu.
Sa soli ki na Tabacakacaka ni Dikevi Vika ni Lotu na veivakadonui me ra raica na ivolatukutuku kei na kena ivakarau ni cakacaka e ganita, me dikevi kina na matau ni kena lewai na ilavo eda ciqoma ka vakayagataka, na vakayagataki kei na taqomaki ni iyau ni Lotu. Na Tabacakacaka ni Dikevi Vika ni Lotu e tu vakataki koya mai na veitabacakacaka tale eso ni Lotu kei na kena veicakacaka kece, ia ko ira na kena vakailesilesi era daunifika raraba vakaivola, daudikevi ivola, dau dikevi ivola vakomupiuta, kei ira tale eso na kenadau ena veika vakaivola sa tu vei ira na kila ka vakacakacaka.
Ni yavutaki mai na dikevi ivola sa vakayacori, sa nanuma kina na Tabacakacaka ni Dikevi Vika ni Lotu ni, ena veika me baleta na iyauqaqa, na cau e ciqomi, na ilavo e vakayagataki, kei na iyaubula ni lotu me baleta na yabaki 2009 era sa vakaivolataki ka qaravi ena ivakarau dodonu ni vakaivolataki na ilavo, tuvailavo vakadonui, kei na lawatu kei na kena ivakarau ena Lotu.
Vakasavui ena vakarokoroko,
Tabacakacaka ni Dikevi Vika ni Lotu
Robert W. Cantwell
Manidia Dairekita