Elder Per G. Malm

Ena Vitusagavulu

Elder Per G. Malm

Ena gauna a yabaki 16 kina o Elder Per Gösta Malm a qarava e dua na ilesilesi ni veiqaravi ni Lotu, ena nona veivuke ena tarai ni veivalenilotu e Jamani, kei Finiladi, Necaladi, kei Suwiteni. Ka se gumatua tikoga me yaco mai oqo ena nona veivuke ena tara Valenilotu.

E a sucu o Elder Malm ena Sepiteba ni 1948 e Jönköping, Suwiteni, vei rau o Karl Gösta Ivar kei Karin Anna-Greta Malm. E a vulica e levu sara na veilesoni bibi ni bula mai vei rau na nona itubutubu, ka mai vakadeitaki ena ivakadinadina i tamana ka a wasea ni bera ni mate ena nona sa yabaki 48: “Tudei ena kosipeli.”

“E a vakavulica tiko vei keda ni da na rawa ni kunea ena kosipeli na isau ni veika bibi kece sara,” a kaya o Elder Malm.

Salamuria na 18-na vula ni tarai ni ilesilesi, a veiqaravi vaka-daukaulotu tudei o Elder Malm enaTabana ni Kaulotu na Sweden Stockholm. E a mai vakamautaki Ingrid Agneta Karlsson ena Valetabu na Bern Switzerland ena Okotova ni 1969, cicivaka sara na bisinisi ni volitaki vale nei tamana, ka rawata e dua na koroi ni vuku mai na Univesiti e Göteborg kei na dua na koroi ni vuku ena veika vakalawa ni Suwiteni (Swedish law degree) (LLM) mai na Univesiti na Lund.

E a cakacaka vaka-manidia ni voli vale me baleta na Lotu. Ka qai tarava o ya vaka-dairekita ni veika vakamatatamata, e a digitaki mai vei iratou na Matabisopi Vakatulewa me tekivutaka na cokoti vata ni veiqaravi vakamatatamata ni Veiwasewase ni Lotu ena Loma kei Iurope, Tokalau, kei na Veivanua ena Vualiku.

Ena gauna vata erau a susugi ira cake tiko kina na luvedrau e walu o Elder kei Sisita Malm, a veiqaravi talega o koya vaka-peresitedi ni kaulotu ni iteki, peresitedi ni tabana, lewe ni matabose e cake, peresitedi ni iteki, peresitedi ni kaulotu, dairekita ni veika vakamatatamata e Suwiteni, kei na Vitusagavulu ni iWasewase.

Na veika e sotava sa yaco me vakadeitaki kina vua, na nodrau ivakavuvuli na nona itubutubu, ka sa nuitaka me wasea tiko ena veigauna ni nona veiqaravi ena iKarua ni Kuoramu ni Vitusagavulu. “Sa noda iyaqa na kosipeli,” e a kaya. “Ena yaco me vakaoqori, kevaka eda dina kina, ka vakavurea na vakacegu e sega ni vakasamataki rawa.”