Fepuari: O Le Ata o le Faaolataga

O otootoga i lenei iunite o le a fesoasoani ai i le autalavou e malamalama i le taua o le aoao mai ma le aoao atu i le ata o le faaolataga. Na aoao atu Elder David A. Bednar o le Korama a Aposetolo e Toasefululua faapea, “o le aoao e ala i le faatuatua ma aafiaga, o vaega tutotonu ia e lua o le fuafuaga mo le fiafia a le Tama” (“Saili e Aoao e Ala i le Faatuatua,” Liahona, Set. 2007, 17). O le a e maua le avanoa e fesoasoani ai i le autalavou e mauaina ni molimau sili atu ona malolosi o le ata o le faaolataga, ma sili atu ona talitonu i lo latou gafatia e aoao atu ai isi. Uunai i latou e faia fesili e uiga i mea o loo latou aoaoina, ina ia saili e aoao atili, ma aoao atu isi i mea ua latou mauaina.

Otootoga e filifili mai ai i le masina lenei:

• Aisea e avea ai le aoaoina o se vaega taua o le fuafuaga a le Tama Faalelagi?

• Aisea e taua ai le aoao atu o le talalelei i le ata o le faaolataga?

• O le a le matafaioi a le faitalia i le aoaoina o le talalelei?

• E mafai faapefea ona ou fesoasoani i isi ia auai i le aoaoina?

• E mafai faapefea ona ou faaaogaina musika a le Ekalesia e aoao ai e uiga i le ata o le faaolataga?

• E mafai faapefea ona ou fesoasoani atu i isi ia malamalama i le aoaoga faavae a Keriso?