Setema: Poloaiga

“Ia mafaufau i le tulaga manuia ma le fiafia o i latou e tausi i poloaiga a le Atua” (Mosaea 2:41).

O le otootoga o i lenei iunite o le a fesoasoani i le autalavou ina ia malamalama pe faapefea e le usiusitai i poloaiga a le Tama Faalelagi ona aafia ai lo latou fiafia i lenei olaga ma lo latou alualu i luma i le ola e faavavau i le lalolagi o i luma. I lenei iunite o le a aoao ai foi e le autalavou pe faapefea ona faamalosi atu i isi ina ia malamalama ma usiusitai i poloaiga.

Otootoga e filifili mai ai mo le masina lenei:

• E faapefea ona fesoasoani poloaiga ia te au ina ia aoao ia faapei atili o le Tama Faalelagi?

• E mafai faapefea ona ou fesoasoani atu i isi ina ia malamalama i o’u tulaga faatonuina?

• E faapefea e le tausia o poloaiga ona aafia ai lou tomai e aoao le talalelei?

• E mafai faapefea ona ou uunaia isi e usiusitai i poloaiga?

• O a faamanuiaga o folafola mai e le Tama Faalelagi pe a ou usiusitai i poloaiga?