Tesema: Fausiaina o le Malo o le Atua i Aso e Gata Ai
“O le mea lea, ia alu i luma le malo o le Atua, ina ia oo mai le malo o le lagi,” (MF&F 65:6).
O le autalavou i lau vasega na auina mai i le lalolagi i lenei taimi faapitoa e fesoasoani e saunia le lalolagi mo le Afio Mai Faalua o le Faaola. Ua ia i latou ni meaalofa faapitoa ma taleni e finagalo le Alii ia i latou e faaaoga e fesoasoani ai i le fausia o Lona malo ma faasoa atu Lana talalelei. O lesona i lenei iunite o le a fesoasoani ia i latou e atiae ai na meaalofa a o latou saunia e avea o ni taitai ma faiaoga i le Ekalesia ma le malo o le Atua.
Otootoga e filifili ai mai lenei masina:
-
Kerisimasi: E mafai faapefea ona ou faasoa atu la'u molimau o Iesu Keriso o le Alo o le Atua?
-
E mafai faapefea ona ou aoao e auauna ia sili atu ona lelei i le Ekalesia?
-
E mafai faapefea ona avea au ma se taitai e sili atu ona lelei?
-
E mafai faapefea ona ou avea ma se faiaoga e sili atu ona lelei?
-
E mafai faapefea ona ou malamalama i faatusa o loo faaaoga e aoao atu ai le Afio Mai Faalua?