Komanyekana ase chinse chionsi, ebisaku, emenwa ao ao na abanto: Erinde intwe, ase obuya bwa Nyasae tata na omotoria oito Yeso Kristo, twarorire chibao echio chiyabwate amang’ana aya, ayio are amang’ana ya abanto ba Nephi naboigo aya AbaLamani, nabamura bamwabo, naboigo na abanto ba Jaredi, oria obeire ogokwanwa. Na twamanyire ng’a nabete agoonchorerigwa ase ekeegwa na chinguru chia Nyasae, ekiagera eriogi riaigwegete na korwa amang’ana aya ase tore; ase ayio nigo tomanyete na tore nekeene ng’a emeremo eye ney’ekeene. Na boigo nigo tokoorokia ng’a twarorire obweng’e bwa amariko aya ane ase chibao echi; naboigo obeire akworokigwa ase tore goetera ase chinguru chia Nyasae, na tari omonto. Na nigo togoteba ase amang’ana y’obwororo, ng’a omomaraika onyasae nachete inse korwa igoro, na akayareta na koyabeka ase tore ase obogima bwaito tokarigereria na korora chibao chiamariko, na obwenge boria boreo; na nigo tomanyete ng’a nase engencho y’obuya bwa Nyasae Tata na Omonene Yeso Kristo, bwagerete tokarigereria nakorwa amang’ana aya ng’a nigo are ayekeene. Na nigo kore ogoichana ase amaiso aito. Naboigo eriogi ri’Omonene nigo riatochigete ng’a tobe tokoboorokia oborori bwaito igoro ya amang’ana aya asayio, koba omoigweri ase amachiko a Nyasae, tokarwa oborori obo ase igoro yebinto ebi. Na nigo tomanyete ng’a onye tore abegenwa ase Yeso Kristo, goika toorokie chiganchwa chiaito chia, amanyinga a mwanyabanto bonsi, na chinyorekane chitari na kemoa ase obosio bw’ekerogo giekina gia Kristo, na tomenye nere kare na kare igoro. Na obonene bobe ase Tata, na Omwana, na ase Omoika Omochenu, abwe bare Nyasae oyomo. Amina.