1. Na egaika engaki ingakwana na bamura baminto, nagoteba ng’a: Tiga togende naende goika Yerusaremu, na tiga tobe abare abegenwa na abatoyarendete amachiko y’Omonene; ekiagera nere ore Omonene ase onde bwonsi ase ense, aseigo ninki gekogera atabe omokong’u kobua Labani amo nemerongo etano baye, ekeene nigo are omokong’u kobua nonya nechiribu chiaye ikomi?

2. Aseigo tiga togende, na tiga tobe abakong’u buna Musa; ekiagera ekeene akwanete n’amache y’enyancha embariri na egatananekana ensemo ase ensemo, nabaibori baito bakanyara goeta, korwa ase obosomba, buna ense enyomo, na abasikari ba Pharao bakababwatia na bonsi bakaba bagosirera ime y’amache y’enyancha embariri.

3. Bono rigereria na komanya ng’a aya nayekeene; na manya ng’a omomaraika nabete ogokwana ase more, aseigo imobe naende nechitang’utang’u? Tiga togende aroro; Omonene nanyare gotokonya, koreng’ana buna abatata baito, nakomosiria Labani koreng’ana buna Abamisiri.

4. Nabono ekero nabete ingokwana amang’ana aya, tibabete bare nomoyo, bakagenderera kwemurungania; nonya naboigo bakaba bakambwatia goika aroro, goika tokairana kende getabeti ase Yerusaremu.

5. Na egaika botuko gati, na inche inkabatebia ng’a babe bakwebisa barabwo abanyene batabwati enyasi. Na ekero bebisire Inche, Nephi, ingasoa ime y’omochi na kogenda goika ase enyomba ya Labani.

6. Na inkaba inkoraiua n’Omoika, tinamanya ase ensa eria ebinto ingokora.

7. Nonya naboigo inkagenda rioka na buna naba goika ang’e nenyomba ya Labani nkarora omonto, na nigo arenge ogwete ase amaroba bosio yane, naboigo nigo arenge otindete ase okonywa edivai.

8. Na ekero naika ase are inkanyora ng’a nigo arenge Labani.

9. Na inkayorora omoyio oye, inkayotuguta are korwa ase orenge; na ekeraro kiaye nigo kiarenge egiethahabu, na okorosigwa kwaye nigo kwarenge okuya mono, naboigo inkarora n’ga ebao eria nigo yarenge eyechuma yerigori mono.

10. Ekaba egoika engaki inkaba inkobetererigwa n’Omoika ng’a imbe inkomoita Labani; korende ingateba ase enkoro yane ng’a: Tinanya goitera amanyinga yonde bwonsi ase obogima bwane. Na ingasinywa buna inkomoita.

11. Naboigo omoika ogakwana nainche naende ng’a: Rigereria Omonene omobekire ase amaboko ao nainche boigo inkamanya ng’a nigo arenge koborigia obogima bwane; na tabete okoigwera amachiko y’Omonene; naende boigo nere oirete enibo yaito.

12. Na egaika engaki omoika naende ogakwana asende ng’a moite, ekiagera Omonene omorure ase amaboko ao.

13. Rigereria Omonene nigo akobaita baria aboro ase okoreta obochenu, mbuya omonto oyomo gosira kobua ense engima egosareka na gosira ase ogotegena.

14. Na bono, ekero Inche, Nephi naigwete amang’ana aya, inkainyora amang’ana y’Omonene akwanete ase inde ime y’eroro, nagoteba ng’a koreng’ana buna oroiboro rwao rorabe rokorenda amachiko, mbabe bagokina ime ase ense y’eira.

15. Naboigo inche inkarengereria ng’a tibayarendete amachiko y’Omonene koreng’ana na amachiko aMusa, kanga mbakonyegete onye bayarenda amachiko.

16. Naboigo inkamanya ng’a amachiko nigo arikire igoro ase chibao chiefetha.

17. Naende, inkamanya ng’a Omonene nigo amorwete Labani ase amaboko ane ase engencho eye – – erinde nario indanyare koyanyora amang’ana aya y’amariko koreng’ana namachiko.

18. Aseigo inkaigwera eriogi ri’Omoika, na inkamobwata Labani ase etukia y’omotwe oye, na koyonacha omotwe oye amo n’omoyio oria oye.

19. Erio ekero nayonachire omotwe oye amo nomoyio oye, inkaira chiganchwa chia Labani na gochiesoka; na kera egento; na ingesiba amo nebinto biaye ase omobere one.

20. Ekero nakora gokora aya, inkagenda goika ase esanduki y’enibo ya Labani, rigereria, inkarora omosomba o Labani obwate ebibunguo bi’esanduki eria. Na inkamochika ase eriogi ria Labani ng’a abe okogenda amo nainche goika ase esanduku eria y’enibo.

21. Na akaira ng’a inche Omonene oye, Labani, na rigereria eganchwa na omoio okaba ore ase amaboko ane.

22. Na agakwana nainche igoro yabagaka ba Abayaudi, nakomanya ng’a Omonene oye Labani, nigo arenge isiko ase obotuko obwe korwa ase bare.

23. Na ingakwana ase are buna oria orenge Labani.

24. Naboigo ingakwana ase are ing’a imbe inkoira amariko aria arenge ase chibao chiefetha, ase bamura baminto abanene, abwe batarenge bare nenyasi.

25. Naboigo inkamosaba abe okombwatia.

26. Naboigo ere, akagania ng’a kanga nigo nakwanete ase abaminto bekanisa, na inabwate ekeene ng’a nere Labani naitete, ase ayio akaba okombwatia.

27. Naboigo agakwana ase inde amang’ana amange igoro ya abagaka ba boyaudi, buna naba inkogenda ase abamura baminto, baria batarenge nenyasi.

28. Na egaika engaki Lamani akandora akaba ore nobwoba mono, naboigo Lemuel na Sam. Bagatama korwa ase obosio bwane; ekiagera bakagete ng’a nigo narenge Labani, na obeire okong’ita na nigo akobarigia erinde abaite nabarobwe.

29. Na egaika engaki inkobarangeria, na bakaba bakong’igwa; na ase ayio bakagenderera gotama korwa ase inde.

30. Na ekero giaika omosomba oria o Labani abaroche abaminto agachaka kwoboa nagotengechigwa, na akaba ang’e gotoma korwa ase inde na koirana goika ase omochie o Yerusaremu.

31. Nabono inche, Nephi, ore omonto omogima na ore nobong’aini, na nabeire inkonyora chinguru chinyinge korwa ase Omonene erio kegima inkamobwata omosomba oria o Labani, na komogomia, atanyare gotama.

32. Ekaba engaki ingokwana nere, ng’a onye okoigwera amang’ana ane, buna Omonene are moyo, nainche buna inde imenyete, naboigo naende onye okoigwera amang’ana aito, ntobe tokoborenda obogima bwaye.

33. Na ingakwana amo nere, nonya neira eria, abe tayeiroka; naboigo nigo arabe omosibore onye ogwancha kogenda naintu ase eroro.

34. Naboigo ingakwana nere, na goteba ng’a: Ekeene Omonene nere otochigete gokora aya; intobe bori abatayarendeti amachiko y’Omonene? Ase ayio koragende ase eroro ase tata nobe naase amo na intwe.

35. Na ekaba Zoramu okorema ase amang’ana nakwanete. Erieta Zoramu nigo riarenge erieta ri’omosomba oria; naboigo akaria eira ng’a nabe okogenda goika ase eroro ase tata. Naboigo akaria emuma ng’a nabe okoba amo naintwe korwa engaki eyio goika kare na kare.

36. Erio tokaba n’omoyo ng’a nabe okoba amo naintwe ase engencho eye, ng’a Abayaudi tibakoba bakomanya ng’a nigo twatamete goika eroro ime, ekiagera nigo baratorigie na gotosiria.

37. Erio ekero Zoramu arire emuma ase tore, obwoba bwaito tibwaba obonene igoro yaye.

38. Erio tokaira chibao chiria chiefetha amo n’omosomba oria o Rabani, nakogenda goika ase eroro, na tokagenda goika ase eema ya tata.