1. Egaika engaki naende tokoirana gochia ase eroro na goetera ase ensemo ya mocha korwa engaki eyio kogenderera. Tokaba tokogenda na konyora emechando emenge ase eroro; na abakungu baito bakaba bakobogoria abana goeta ime ase eroro.

2. Na ogoseseneka okonene gokarwa ase Omonene gocha ase tore, na tokaba tokomenya ase chinyama chioka ime ase eroro, abakungu baito bakaba bakogonkia abana babo mono, na nigo barenge abakong’u, koreng’ana buna abasacha, korende bakagenderera ase orogendo batakwemurungania.

3. Na tokarora ng’a amachiko a Nyasae goika abe agoikeranigwa. Na onye ekoba ng’a abana ba mwanyabanto koyarenda bare amachiko a Nyasae nabe okobarenda, na kobakong’ia nakorwa inchera ende yonsi y’ogoikerania ebinto biria abachigete; aseigo, akaba okorwa chingencho chionsi ase tore ekero tware tokogenda ime ase eroro.

4. Tokaba tokogenda ase engaki enyinge ase kera omwaka, nonya nemiaka etano netato ime ase eroro.

5. Na togaika ase ense ekorokwa ey’omwando, ase engencho y’amatunda amange na oboke; na ebinto ebi bionsi nigo biarwetwe amo n’Omonene ng’a nario torabe intosira. Na tokarora enyancha, eyio twarogete Ireantum, eyio eonchoreirie ng’a amache amange.

6. Erio tokaagacha eema ang’e nengegu; togatenena na tokanyora emechando emenene na oboakong’u obonge, obwe obonge bwabo botanyare korikwa bwonsi, tokaba tore n’omogoko mono ekero twaigete ase engegu; na tokaroka aase abwe aase y’omwando, ekiagera abwate amatunda amange.

7. Nyuma ase aya inche Nephi inkaba inde ime y’ense yomwando ase amatuko amange, eriogi ri’Omonene rigacha ase inde na goteba ng’a: Imoka, na kogenda ase egetunwa erio inkaimoka na kogenda igoro ase egetunu na korera ase Omonene.

8. Egaika engaki Omonene agakwana aseinde, na goteba ng’a: Nobe gokorosia obwato ase enchera indanyare gokworokia, erio nario ndabaire abanto bao ase egati y’amache aya.

9. Na ingateba ng’a: Omonene, ing’ai indanyare kogenda erinde inyare konyora chibao echi indanyare koroseria obwato erio ekero kwabeire gokonyorokia?

10. Erio Omonene agantebia aase indanyare kogenda konyora amariba ye echuma eyio, erinde inyare korosia chibao echio.

11. Egaika engaki inche, Nephi, inkorosia esasi egouta omorero, yeriyo riechinyang’au ekero narosirie esasi eyio, erinde nario indanyare goutera omorero, Ingakania amagena abere amo erinde inyare gouta omorero.

12. Erio Omonene tachandegete ng’a toute omorero, erio Omonene buna twagenderera kogenda ase eroro agateba ng’a ninkore endagera yaino koba enyansu, eyio motarugeti.

13. Naboigo nimbe oborabu ase more ime ase eroro ime; na nindosie enchera ase more, onye ekoba bo goika mobe mokorenda amachiko ane; ase ayio buna morabe mokorenda amachiko ane imobe mokoraua goika ase ense y’eira; na imomanye ng’a nasengencho yane yagera mokoraeka.

14. Naboigo Omonene agateba ng’a: Ekero morabe mwaikire ase ense y’eira, imomanye ng’a, inche, Omonene niche Nyasae; na nainche, Omonene nabeire inkobakonya korwa ase oboakong’u; inkaba inkobarusia ase ense ya Yerusaremu.

15. Ase ayio Inche, Nephi, ingachandeka koyarenda amachiko y’Omonene, na kobaremia abaminto ase okwegena na obong’aini.

16. Ekaba engaki inche inkarosia chibao chiemete eria natwete korwa ase egetare.

17. Ekero abaminto baroche ng’a nabeire ang’e koagacha obwato, bagachaka kwemurungania mamincha yane, na goteba ng’a: Oyominto oyo n’omoriri, ekiagera arengereretie ng’a nabe okoagacha obwato; na nigo arengereretie ng’a nanachekani amache aya amanene.

18. Erio abaminto bakaba bagokwana mamincha yane, na bakagania kwanga gokora emeremo, na tibaba bakwegena ng’a nimbe inkoagacha obwato; na tibaba bakwegena naende ng’a nigo nachigetwe n’Omonene.

19. Erio egaika engaki inche, Nephi, inkoba nobororo obonene asengencho y’obokong’u bwechinkoro chiabo; ekero barora nabeire nobororo bakaba nomogoko ase chinkoro chiabo, erio bakaba bagochenga na goteba ng’a: Intwamanyete ng’a tokonyara koagacha obwato, nigo twamanyete ng’a nigo kwaremeire amo nokonacha; ase igo, tobeti kogokora na goikerania emeremo eye emenene.

20. Naye nigo onga buna tata, obete okoraua amo n’oboriri bw’enkoro yaye, agatorusia korwa ense ya Yerusaremu, na nigo tokumetie ime ase eroro. Ase emiaka eye emenge; abakungu baito bagotire ase engencho y’ogotara nabana; na babeire bakobogoria abana ase, eroro na gochandeka ase chinchera chionsi, gochia mbuya nonya bare gosira; naende kanga nigo yarenge buya ng’a nonya bare gokwa batararwa ase ense ya Yerusaremu ribaga bakonyora oboakong’u bonga buna obo.

21. Rigereria emiaka eye emenge twabeire togochandeka ime ase eroro, ndiriri torabe tore n’omogoko ense yaito twaetwe; kanga gochia intwaba tore n’omogoko ake.

22. Na nigo tomanyete ng’a abanto baria barenge ase ense ya Yerusaremu nigo barenge abanto abachenu, ekiagera nigo bayarendete amachiko na amang’ana y’Omonene, koreng’ana na amachiko aMusa; aseigo nigo tomanyete ng’a nigo bare abanto abachenu; na tata nigo are kobaira bobe, nagoturusia aroro ase engencho twaigwete amang’ana aye; na oyominto bono obeire buna ere, ekero amang’ana aera abaminto bare kwemurungania mamincha yane.

23. Egaika engaki inche, Nephi, ngokwana ase bare na goteba ng’a: Imwegenete ng’a anga abaibori baito abwe barenge abana ba Israel nigo babete bakoraana korwa ase amaboko y’abamisiri onye bataigwerete amang’ana y’Omonene?

24. Mwanchete ng’a anga mbarusetigwe ase obotomwa, onye Omonene atamochigete Musa ng’a abe okobarusia ase obosomba?

25. Bono manya ng’a abana ba Israel imbabete ase obosomba, naende momanyete ng’a nigo babete bare nechigurube chinyinge echio babogoretie; ase ayio, momanye ng’a goika mbaganetie egento kere ekiya ase bare, ekio kiagerete bakaba bakorusigwa ase obosomba.

26. Momanyete ng’a Musa nigo achigetwe n’Omonene gokora emeremo eye emenene; na imomanyete ng’a ase ring’ana amache y’enyancha embariri nabete agwatananekana ensemo ase ensemo, na bagaeta ase ense enyomo.

27. Naende imomanyete ng’a abamisiri mbachiete ime ase enyancha embariri, abwo barenge abasikari ba Pharao.

28. Naboigo imomanyete ng’a mbarageretigwe na endagera ekorokwa mana ime y’eroro.

29. Na imomanyete ng’a Musa, ase amang’ana aye goetera ase chinguru chia Nyasae chiarenge ime yaye, agaaka egetare, amache akaba akorwa aroro, na abana ba Israel bakaba bakorimia erango yabo.

30. Naende ase ogotancherana bakaba bakoraua n’Omonene Nyasae obo, omotoria obo, akabatang’ana, kobaraa mobaso nabotuko kobaa oborabu, nagokora kende gionsi baganetie ase abanto kobinyora bagakong’ia chinkoro chiabo na goukora ase ebirengererio biabo, na bagachaya Musa naboigo nonya Nyasae bw’ekeene na ore moyo.

31. Erio egaika engaki koreng’ana nering’ana riaye akaba okobasiria; koreng’ana nering’ana riaye abaraerete; na koreng’ana nering’ana riaye tabakorerete kende gionsi; na kende tikiarenge koba gotatiga goetera ase ring’ana riaye.

32. Ekero banacha oroche rwa Yorodani akabakora abakong’u ase ogoseria ebisaku bi, ense eyio, goika ase ogosiarerekana nagochandeka.

33. Nabono, imomanyete ng’a abana b’ense eye abwe barenge ase ense eye y’eira, abwe baseretigwe na abatata, imomanyete ng’a nigo barenge abachenu? Rigereria, nabatebirie, inwe.

34. Imomanyete ng’a abatata baito kanga nigo babete neribaga rinene kobua eribabwate bono onye baba abachenu? Nigo inkobatebia inwe.

35. Rigereria Omonene agachibeka chinyama chionsi amo; ng’a oria ore omochenu nabe namasikani a Nyasae. Korende rigereria, abanto aba bakarikana kera ring’ana ria Nyasae, na bagasoa ase ebibe; na obonge bwendamwamu ya Nyasae ekeba ase bare; naboigo Omonene akayeragereria ense ase engencho yabo, na akayesesenia ase engencho ya abatata baito; akaba okoyeragereria mamincha yabo goika ase emechando yabo na akaba okobasesenia ase abatata baito na konyora chinguru aase abwe.

36. Rigereria Omonene nigo ayetongete ense erinde ebe obomenyo; na agatonga abana baye erinde banyare koyemenya.

37. Naende nigo agokinia ense enchenu, na gosaria chinse chire nebibe.

38. Na nigo akobaraa abachenu goika ase ense y’omwando, na abanyabibe nigo akobasaria, na koragereria ense ase engencho yabo.

39. Nigo akogamba igoro mono, ase ekero kiaye kere, na ense eye noo akobekerera amagoro aye.

40. Na nigo abanchete baria bakomoira buna Nyasae obo. Rigereria nigo abanchete abatata baito, akaba okwebwatania nabwo, naboigo Ibrahimu na Isaka na Yakobo, na akaba okoinyora okobwatana koria ebwatanetie nabwo; ase ayio, akabarusia ase ense ya Misiri.

41. Na akaba okobachwata ime ase eroro nenyimbo yaye; naboigo nonya mbarobwo mbabete bagokongia chinkoro chiabo buna inwe mokong’etie; naboigo Omonene akabachwata asengencho yebibe biabo. Akabatomera ching’iti chikoiruruka na chire chintindi ase bare; na ekero baromirwe akaba okorigia enchera baranyare kogwena; na emeremo batakeire gokora ebe ekororekana; na ase engencho y’enchera enyororo, mbarenge aroro abange abwe basirete.

42. Bakaba bagokong’ia emioyo yabo engaki ase engaki, na bakamochaya Musa naboigo na Nyasae; nonya naboigo manya ng’a nigo baraetwe ase chinguru chiaye goika ase ense y’eira.

43. Nabono nyuma amang’ana aya kaerire, engaki egaika bakworoba, na tinaba inkomanya naboigo mbareo goika amatuko aya bare ang’e gosirigwa, ekeene nigo imanyete ng’a rituko indike barabe bagosirigwa nagokonya abare abake boka abwe barabe bakoirwa ase obosomba.

44. Ase ayio Omonene akamochika tata ng’a anyare kong’anya na kogenda goika eroro; naboigo abayaudi bakaba bakorigia koborusia obogima bwaye; aseigo, nigo more abaiti ase chinkoro chiaino na nigo monga barabwo.

45. Nigo more abango gokora ebibe na abang’ora ase okomoinyora Omonene Nyasae oino, mokarora Omomaraika, na agakwana ase more, mwabeire mokoigwa eriogi riaye ekero ase ekero, naboigo obeire ogokwana nainwe ase eriogi rike, korende ritang’ani mokaigwa ng’a timotagetie moigwe amang’ana aye, ase ayio obeire ogokwana ase more buna eriogi rienkoba erio riagerete ense egatengecha buna eria yatagete gweatanana.

46. Naboigo imomanyete ng’a ase chinguru chiobonene bwaye nabo arayekore ense enyare gosira; na imomanyete ng’a asering’ana riaye nabo araonchore amaoromomo koba ense yekerubo naboigo gonchora ekerubo koba amaoromomo, O bono ninki gekogera mogokong’ia emioyo yaino?

47. Rigereria omoyo otandokire asengencho yaino, nakorosa mono, na enkoro yane yarwarire, nigo inde nobwoba ase more ekiagera morabaise gotugutwa kare nakare. Rigereria nigo ingichire n’Omoika o Nyasae na ebimo biane tibiri nechinguru.

48. Erio egaika engaki ekero bacha nakogania kombwata ingakwana ase bare nagoteba ng’a: Ase erieta ria Nyasae omonyanguru, nabachikire timombwata ekiagera nigo ing’ichire nechinguru chiomonene Nyasae, nonya n’okoyia kwomobere one; oyorabe okombwata goika abe ogosusana na kwoma buna esasi; na koba buna egento bosa ase chinguru chi’Omonene Nyasae, ekiagera Nyasae nabe okobaita.

49. Egaika engaki inche, Nephi, inkobatebia ng’a tibaba bakwemurangania mamincha ya ise naende; naboigo tibatiga gokora emeremo amo na inche, ekiagera Omonene nigo anchigete ng’a imbe inkoagacha emeri.

50. Naboigo inkabatebia ng’a onye Omonene onchigete gokora onsi goika imbe inkoyakora karanchike koyatebia amache aya koba oboremo, goika ebe ense enyomo; na kondatebe ebe bo goika ebe bo.

51. Nabono onye Omonene obwate chinguru echi chinene, na obeire ogokora ebikone ebinene ase abana bamwanyabanto, ninki keragere atantebie ng’a imbe inkoagacha emeri?

52. Egaika engaki inche, Nephi, ingokwana amang’ana amange ase abaminto, ng’a nigo nabaremetie kanga tibari kong’ira bobe, gose kogania kombwata nakondwania, nonya nengaki ya amatuko amange. Bono tibari kong’ira bobe ekiagera nigo barabaise gokogotara ase obosio bwane, omonyanguru mono n’Omoika O Nyasae; na obeire mamincha yabo.

53. Erio Omonene agakwana ase inde ng’a: Rambora okoboko kwao ase abamino, na erio nario batanyare gokogotara ase obosio bwao, korende goika imbanyegerie, otebire Omonene, na goika imbe inkoyakora aya, erinde bamanye ng’a ninche Omonene Nyasae obo.

54. Erio inkarambora Okoboko kwane ase abaminto, na tibakogotara ase obosio bwane, koreng’ana nering’ana abete ogokwana.

55. Erio bagateba ng’a: Twamanyire ng’a ekeene Omonene nao are amo naye, na twamanyire ng’a nechinguru chi’Omonene ore nachio ekiagera chiatotengechirie. Erio bakagwa ase obosio bwane, ang’e gonsasima, korende inkabamanyia ng’a: Inche nigo inde oyomino, oyio ore omoke ase more; aseigo mosasime Omonene Nyasae oino, na basike iso na nyoko, nario amatuko aio arabe amange ime ase ense Nyasae arabae.