1. Na bono nigo imbaganeretie momanye, ng’a nyuma ase tata, Lehi nabanete okobana kw’omoerio iroro y’oroiboro rwaye, na egaika engaki Omonene akaba ogokwana nere naende, ase ogoteba ng’a tari ng’a nigo baumeranete, na Lehi, erinde anyare koira omochie oye ase eroro bweka; korende abana baye banyare koira abaiseke buna abakungu, babo erinde nario barakinie oroiboro ase Omonene ime ase ense y’eira.

2. Na egaika engaki Omonene akagonchika ng’a inche, Nephi, amo nabaminto, tobe tokoirana naende gochia ense ya Yerusaremu, na komoreta Ishmael n’omochi oye ase eroro.

3. Egaika engaki inche, Nephi, ingokora bo naende amo na abaminto, kogenda goika ase eroro na kogenda goika Yerusaremu.

4. Erio egaika engaki tokagenda goika ase enyomba ya Ishmael, na tokanyora obuya ase obosio bwa Ishmael, abwe twabete togokwana amang’ana y’Omonene amo nere.

5. Egaika engaki Omonene akwororobia enkoro ya Ishmael, naboige abanto b’enyomba yaye bonsi bakegena, akagenda amo naintwe goika ase eroro ase eema ya tata.

6. Erio buna twaba norogendo ase eroro, rigereria Lamani na Lemuel, nabaiseke babere ba Ishmael, na abamura babere ba Ishmael amo nemechie yabo, bakaba mamincha yaito; mamincha yane inche, Nephi, na Sam, na abaise, Ishmael na mokaye, na abaiseke bande batato.

7. Egaika engaki ekworokia ng’a okoba mamincha, nigo baganetie koirana naende gochia ase ense ya Yerusaremu.

8. Na bono inche, Nephi, tinabete inkogechigwa igoro y’obokong’u bw’echinkoro chiabo, ingakwana ase bare, nagoteba nonya nase Lamani na Lemuel: Rigereria inwe mbamura baminto abanene, ninki gekogera mogokong’ia chinkoro chiaino, na koba emeuko ase ebirengererio biaino na moganetie ng’a inche momura omino omoke imbe ingokwana ase more na korwa omogwekano ase more?

9. Ninki gekogera motari koyaigwera amang’ana y’Omonene?

10. Ninki gekogera mokweba ng’a imwamoroche omomaraika bw’Omonene?

11. Na ninki gekogera mokweba amang’ana aria amanene Omonene abaeire okoyakora ase tore, ase ogotoboria korwa ase ense ya Labani, naboigo tobe tokonyora amariko?

12. Na ninki gekogera mokweba ng’a Omonene nomonyanguru gokora kende gionsi koreng’ana n’okobua kwaye, aseige abana bamwanyabanto, onye naboigo bataka kwegena, aseigo tiga twegene ase are.

13. Onye tokoba abegenwa ase are ntonyore ense y’eira; na imomanye ng’a ase amatuko abosio amang’ana y’Omonene nabe agoikerana igoro y’ogosareka kwa Yerusaremu; ase ebinto bioonsi Omonene abete ogokwana igoro y’ogosareka kwa Yerusaremu goika biikerane.

14. Rigereria, omoika bw’Omonene obeire ogochandeka nabwo, na rigereria bakabaanga ababani, na Yeremia bakamobeka enchera. Na barigirie koborusia obogima bwa tata, naboigo bamoseririe korwa ase ense yaye.

15. Bono rigereria, nigo inkobatebia ng’a onye mokoirana gochia Yerusaremu goika mosire amo nabarobwo. Na bono onye mwachorire inwe mweka genda goika aroro, na mobe mokoinyora amang’ana nabatebirie, ng’a onye mokogenda goika nainwe mosire na aya n’Omoika bw’Omonene ontebirie ing’a inkwane.

16. Egaika engaki inche, Nephi, ekero nakwanire amang’ana aya ase abaminto, bakaba n’obororo amo nainche. Na egaika engaki ekero bakobeka amaboko abo igoro yane, na rigereria, bakaba nendamwamu enene nagonsiba nechinkini, na bakagania koborusia obogima bwane aroro, erinde nario barantige ase eroro inkoriegwa neching’iti chiorosana.

17. Egaika engaki nasabete ase Omonene, ingoteba o Omonene, koren’gana n’okwegena kwane okwo kore ase ore, nonyare gokonya korwa ase amaboko y’abaminto; ing’a chinguru erinde inyare gotandora amaboko aya ambwatete.

18. Ekero gegaika buna nakwana amang’ana aya, rigereria, amaboko akororoba korwa ase amaboko ane na amagoro ane, na ingatenena obosio bwa abaminto, na gokwana ase bare naende.

19. Naende egaika engaki bakoba n’obororo nainche naende, na korigia kombwata; korende rigereria oyomo obo bw’abaiseke ba Ishmael na ng’ina na omomura oyomo o Ishmael, tibancherana nabaminto, ase igo bakororobia chinkoro chiabo, naboigo bakagenderera korigia korusia obogima bwane.

20. Egaika engaki bare nobororo mono, ase engencho y’obworo bwabo, bakaba bagotung’ama inse ase obosio bwane, na gosaba aseinde ng’a inyare kobabera ase ebinto bakorire mamincha yane.

21. Egaika engaki nkobabera onsi aria babete begonkorera, naboigo inkabatebia banyare gosaba ase Omonene Nyasae banyare kwaberwa. Erio kegima bagakora bo. Erio ekero bakoorire koangama togachaka orogendo naende gochia ase eema ya tata.

22. Erio engaki egaika togoika ase eema ya tata. Erio ekero inche na abaminto na boonsi abanto benyomba ya Ishmael twaika ase eema ya tata, bakamoakera ng’a mbuya mono Omonene Nyasae obo; naboigo bakarwa ebing’wanso biabo ase Omonene.