Egetabu Kieritang’ani Kia Nephi
Okogamba Kwaye Nemeremo Yaye
Amang’ana a Lehi na omokungu oye Saria na bamura baye bonsi, abwe bakorokwa (omochakano bwabatangi) Laman, Lemuel, Sam na Nephi. Omonene akamokurera Lehi konganya korwa ense ya Yerusaremu, ekiagero abanete ase abanto igoro yebibe biabo naboigo bakagania gosiria obogima bwaye. Akaba okoira engaki ya amatuko atato ase orogendo rwaye goika Yerusaremu nyuma ekero kiomoroberio bwa abayaudi okaba omobaro bw’ogochandeka kwabe. Bakabaira abaiseke ba Ishumael koba abakungu babo. Naboigo bakaimokia emechi yabo na kong’anya goika eroro. Ase ogochandeka kwabo negesusuro ime ase eroro. As’engencho y’okong’anya kwabo. Bagaika ase amache amanene. Abamwabo Nephi bakaba mamincha nere. Akabatiga, na koagacha emeri, bakaroka aase abwe, aase yokoigaterwa gose goichorigwa. Bakabutokania egati ya amache amanene goika ase ense yeira, nayande anga buna aya. Aya naro are igoro ya Nephi; gose ase engencho ende egoteba ng’a inche Nephi, nkarika amang’ana aya.
Egesieri 1
Okorora kwa Lehi igoro y’enguso y’Omorero na egetabu kiobobani – – Ere akabana igoro y’ogosareka kwa Yerusaremu, na agakwana igoro y’ogocha kwa Masaya – – na okorigia komoita kwa Abayaudi.
1. Inche, Nephi nabete inkoiborwa na abaibori abaya, aseigo inkorokigwa amang’ana gete onsi na kweorokia korwa ase tata; na korora oboakong’u obonge ase engencho ya amatuko ane, nonya taibo nabeire inkoimokigwa igoro mono n’Omonene ime ase amatuko ane onsi. Ee inkaba nechiseni chionsi chinene chi obuya amo na amakumia a Nyasae, aseigo nigo nkorika okogenderera kwane ase amatuko ane.
2. Manya, Inkarika amang’ana aya ase omonwa bwegesaku gia tata, oyio obwate okworokereria kwa abayaudi na omonwa bwa abamisiri.
3. Na namanyire ng’a amang’ana aya inkorika nayekeene; na nigo inkoyarika ase amaboko ane omonyene; na nigo nkoyarika koreng’ana n’obong’aini bwane omonyene.
4. Ekaba egoika ekero kiengaki y’omwaka omotang’ani bw’okogamba kw’omorwoti Zedekia bwense ya Yuda, (tata Lehi orenge omenyete Yerusaremu ase amatuko onsi y’obogima bwaye); na ase omwaka oyo oyo bakaoroka ababani abange, bakobana ase abanto ng’a goika baangame, gose goika omochie omonene o Yerusaremu obe ogosarigwa.
5. Naboigo ekaba egoika engaki tata Lehi, agendererete gosaba ase Omonene, ore nokwerwa gwenkoro yaye yonsi, igoro ya abanto baye.
6. Ekero gegaika buna asabete ase Omonene, enguso ekaoroka y’omorero na kobera igoro ase egetare karora nakoigwa amange; ase engencho y’ebinto aroche nakoigwa agaichanigwa na koigusigwa n’omoondoko omonene.
7. Na egaika engaki y’okoirana goika ase enyomba yaye yarenge Yerusaremu; akeruta igoro yoborere bwaye, ore oichire n’Omoika na ebinto abete okorora.
8. Erio buna agendererete goichorigwa n’Omoika, akaba okoirwa amo n’okorora, naboigo akarora igoro eigoire, na akaba nokorengereria ng’a omororire Nyasae oikaransete oetenanire n’amaraika atari kobarekana ase obomo bw’okomoterera na komotogia Nyasae.
9. Egaika engaki akorora oyomo obo ogoika korwa ase egati gati ya igoro, na nigo are kororekana okomesa kobua okomesa koria kw’erioba rikomesa mobaso gati.
10. Naboigo akabarora abande ikomi nababere bare nyuma yaye, na oborabu bwabo nigo bwarenge bobuete oborabu bweching’enang’enia.
11. Erio bagacha goika inse na bakagenda goika ase ense; na oria omotang’ani agacha agatenena ase obosio bwa tata, na akomoa egetabu, na akamochika abe ogogesoma.
12. Na egaika engaki ekero agesomire, akaba ogoichorwa na Omoika omochenu bw’Omonene.
13. Agasoma ogoteba, gwa, gwa, ase Yerusaremu, ekiagera narorire obobe bwaino na ebinto ebinge tata asomete igoro ya Yerusaremu – – ng’a goika obe ogosarigwa, na abamenyete aroro; abange mbasire ase omoyio, na abange imbairwe obosomba ime ya Babiloni.
14. Ekero gegaika tata akorete korora nagosoma ebinto biria ebinene na ebiomoichano mono, akaba okoboria ebinto ebinge ase Omonene, koreng’ana buna: Obonene na amakumia nemeremo yaye, o Omonene Nyasae Omonyanguru! Ekerogo kiao nigo kere igoro mono ime ya igoro na chinguru chiao na obuya bwao, na amabera ao nigo are igoro ya abanto bonsi bense na asengencho ore omonyamabera, tokonyara kobatiga baria bagocha ase ore erinde basire.
15. Nyuma ase amang’ana aya yomonwa bwegesaku gia tata orenge komotogia Nyasae oye, erio enkoro yaye ekagokigwa na gochenga, na omoyo oye bwonsi nigo oichire ase engencho y’ebinto aroche, biria Omonene abete okoorokia ase are.
16. Nabono Inche, Nephi, tinkorika amang’ana onsi aria tata arigete, ekiagera nigo arigete amang’ana amange mono ayio aroche ase okorora na chindoto, naboigo akarika ebinto biria abanete na gokwana ase abana baye, ebio intanyare korika bionsi.
17. Korende nimbe inkorika amang’ana onsi aria ya amatuko ane. Rigereria nakeirie nakobeka ase obweng’e amang’ana a tata, Igoro ase chibao echi narosirie n’amaboko ane, ase ayio, nyuma ekero nabekire ase obweng’e amang’ana aya tata naboigo nimbe inkorika amang’ana y’obogima bwane omonyene.
18. Ase ayio nigo inde nokogania ng’a momanye ng’a, nyuma ekero Omonene aorogetie ebinto ebinge mono biogokumia ase tata, Lehi, igoro yogosarigwa kwa Yerusaremu, rigereria akagenda goika egati ya abanto, na gochaka kobana nakoorokia ase bare igoro y’ebinto bionsi aroche nakoigwa.
19. Egaika engaki abayaudi bakomosekerera ekiagera atebete ebinto ebi ase bare; ekeene ere akabokuana obobe bwabo na obworo bwabo; na agakuana ng’a ebinto aroche na koigwa, naboigo ebinto asomete ase egetabu, bikaorokia ekeene ogocha kwa Masaya, na boigo okoborigwa gwe ense engima.
20. Na ekero abayaudi baigwete ebinto ebi bakaba no obororo mono ase are; koreng’a buna ababani bakare, baria baseretie, na kobaaka amagena, na kobaita; naboigo bakaborigia obogima bwaye, erinde baborusie aroro. Korende rigereria, Inche, Nephi, nimborokie amabera y’Omonene ng’a nigo are igoro ase baria bonsi abaire ogochora, asengencho y’okwegena kwabo kobakora koba abakong’u nonya na ase chinguru chiogotoria.