1. Erio egaika engaki inche, Nephi, nkoirana korwa ase ogokwana amo n’Omonene goika ase e’ema ya tata.

2. Naende erio egaika engaki agakwana amo nainche, ogoteba: Rigereria narotire okorota, buna Omonene anchikire ng’a inche nabaminto ntoirane naende goika Yerusaremu.

3. Na rigereria, Labani nabwate amang’ana ya abayaudi naboigo ororeria rwa abaibori baino bakare, na nigo arikire ase obweng’e igoro ase chibao chiechifetha.

4. Ase ayio, Omonene akaba ogonchinka ng’a aye na bamura bamino goika mogende goika ime y’enyomba ya Labani, na korigia amang’ana, na koyareta igaa ase eroro.

5. Na bono, rora abamino nkwemurungania bare, bagoteba ng’a nigo kere egento egekong’u ekio naganetie korwa ase bare; korende rigereria tinkeganetie korwa ase bare, korende n’ogochika korwa ase Omonene.

6. Ase ayio genda, omwana one na nobe gogosikwa ase Omonene, ekiagera aye tibwemurunganetie.

7. Na egaika engaki Inche, Nephi, inkamotebia tata ng’a goika imbe inkogenda na gokora ebinto biria Omonene abete ogochika, ekiagera namanyire ng’a Omonene tari korwa amachiko ase abana ba mwanyabanto, natoreke ere oyokobaroseria enchera barabwo ase okogeikerania keria abachigete.

8. Na egaika engaki ekero tata abete okoigwa amang’ana aya na nigo abete nomogoko Omonene mono, naboigo akamanya ng’a nasesenigwe n’Omonene.

9. Na Inche, Nephi, na abaminto tokagenda orogendo ase eroro, tore amo nechiema chiaito, kogenda rogoro ase ense ya Yerusaremu.

10. Na egaika ekero twaigete ase ense ya Yerusaremu, Inche amo nabaminto tokaberana intwe ase intwe.

11. Na tokaruta obomera – – erio tonyore ng’a ning’o ogwenerete ase tore kogenda ime ase enyomba ya Labani. Naboigo egaika engaki obomera boria bokamogwera Lamani; na Lamani akagenda ime y’enyomba ya Labani, na agakuana nere buna arenge oikaransete amo nere ime y’enyomba yaye.

12. Na akaba n’okogania na Labani na amang’ana ya amariko aria arenge igoro yechibao chiefetha, echio chiabwate ororeria rwa tata.

13. Na rigereria, egaika engaki Labani arenge, n’obororo, na komorusia korwa aase aye; na takoba ogwenerete okobogoria amang’ana aya. Ase ayio, agateba ase are ng’a: Rigereria inwe nigo more abaibi, na nimbe ankobasiria.

14. Korende Lamani agatema korwa aase aye, na akabiteba ebinto biria Labani akorete, ase tore. Na togachaka koba n’obororo, na abaminto bakaba ang’e koirana ase eroro.

15. Korende rigereria ingateba ase bare ng’a: Buna Omonene amenyete, na buna tomenyete, titokogenda maate ase tata ime y’eroro goika twaikeranirie egento keria Omonene abete ogotochika.

16. Ase ayio, tiga tobe abegenwa ase okoyarenda amachiko y’Omonene; ase ayio togende maate ase ense ya abatata, rigereria nigo atigete chithahabu na chifetha, na chingencho chionsi chiobonda. Na aya onsi nigo akoregete ase engencho ya amachiko y’Omonene.

17. Akamanya ng’a Yerusaremu goika ebe egosarigwa, ase engencho y’obworo ne ebibe biabanto.

18. Na rigereria, bayakanire amang’ana ya ababani. Aseigo, onye tata okomenya ime y’ense ekero abeire ogochikwa korwa ase ense eyio, rigereria, nere naboigo nabe ogosira. Ase ayio, goika ebe nokogania ng’a natame korwa ase ense eyio.

19. Na rora, nigo ere chisemi ase Nyasae ng’a ntonyore amang’ana aya, ase okoyagacha na koyarendera abana baito ase omonwa bwa abaibori baito.

20. Naboigo ng’a tobe tokoyarenda amang’ana aria abeire agokwanwa n’omonwa bwa ababani bonsi abachenu, ayio abeire akorwegwa ase bare amo n’Omoika Omochenu na chinguru chia Nyasae, korwa ense etongwa, nonya ngoika ase engaki eye ya bono.

21. Na egaika engaki nyuma ase engencho y’omonwa oyio agerete inkabang’usa abaminto ng’a goika babe abegenwa ase okoyarenda amachiko a Nyasae.

22. Naboigo egaika engaki tokagenda maate ase ense twaetwe, na tokaba tokobeka nagosangereria chithahabu chiaito amo, na chifetha, naboigo nebinto biaito bionsi bierigori.

23. Na ekero twabekire ebinto ebi amo, tokagenda naende goika ase enyomba ya Labani.

24. Na erio ekero yaika engaki tokagenda ase enyomba ya Labani, na tokagania atoe amang’ana ayio arikire igoro y’echibao chiefetha, naintu boigo tonyare komoa chithahabu chiaito na chifetha chiaito, naboigo ebinto bionsi bierigori.

25. Na egaika engaki ekero Laban aroche enibo yaito, na nigo yarenge enyinge mono, akaba okoyegania, na bwango agatoseria, nagotoma abasomba baye gotoita, erinde nario aranyare koyenyora enibo yaito.

26. Naende ekaba egoika ekero twabete tokobatama abasomba ba Labani, na tokeba na koyetiga enibo yaito magega, na enibo eria ekaba egoika ase amaboko a Labani.

27. Na ekaba egoika togotama goika eroro, na abasomba ba Labani tibatoikera, na tokaba tokwebisa ime ase amabwago ime y’ebitare.

28. Na ekaba egoika engaki Labani akaba n’obororo amo nainche, naboiga na tata; naboigo nonya Lemuel, naboigo akaigwa amang’ana a Lamani. Aseigo Lemuel na Lamani bagakwana amang’ana amange amakong’u, ase tore bamura bamwabo abake, na bakaba bagotoaka amo nechinyimbo.

29. Na ekaba egoika ekero batochwatire amo nechinyimbo, rigereria, omomaraika bw’Omonene agacha na gotenena ase obosio bwabo, na agakwana ase bare, ogoteba: Ninki gekogera mokobaaka obamura bamino abake amo nechinyimbo? Timomanyeti ng’a Omonene omochorire koba omorai oino, ase engencho y’ebibe biaino? Rigereria imobe mokogenda goika Yerusaremu naende na Omonene namorwe Labani ase a maboko aino.

30. Na ekero omomaraika oria akorire gokwana amo naintwe, erio akagenda.

31. Na ekero nyuma omomaraika oria achire, Lamani na Lemuel naende bagachaka kwemurungania, na goteba: Inaki erabe aororo Nyasae komorwa Labani ase amaboko aito? Rigereria nigo are omonto omonyanguru, na nabo arabe okobachika emerongo etano, na nabo arabaite emerongo etano; naende inaki ase intwe.