Amang’ana Amake Korwa Ase Ebuku Ya Mormoni

Chingencho isato chibao chi’ okoinyoria nigo chiorokirie ase ekeratasi yeritang’ani ase Ebuku Ya Mormoni Arikire:

1. Chibao chiamang’ana a Nephi, echio egetebu gioka gegoteba, ng’a nigo chiarenge ase chingencho ibere – – (a) chibao chinene; (b) chibao chinke. Aria akare nigo are goteba igoro y’omogano bw, abanto baatoire ime igaa, korende chibao echi chia-kabere nigo chibwate amang’ana amange y’obobisi ayobochenu.

2. Chibao chia Mormoni nigo chibwate amang’ana make korwa ase chibao chia Nephi, echio chirosirie na Mormoni, amo n’ebiorokererio ebinge na okogenderera kw’omogano oye omonyene na komentwa mono na Mormoni na omwana o Mormoni.

3. Ase aya nabo chibao echi chinde chiramentwe, echio chikwanire ime ase Egetabu kia Mormoni, nechio nachio:

4. Chibao chie chifetha chia Labani, chiaretetwe na abanto ba Lehi korwa Jerusaremu, na chibwate amariko y’ekeibirania amo nechinderia, ao ao amange abo akororekana ase amariko y’egesaku kia Abanephi.

Egetabu kia Mormoni nigo geatananire ase chinsemo ikomi naisano chiengencho, chimanyegete ase angencho eyemo, buna ebitabu, Kera ekemo kiabo nigo kere nerieta ri Omokeriki. Ase ebi, ebitabu bitano na kemo, nigo bikorokwa Nephi y’eriteng’ani, Nephi ya kabere, Yakobo, Enosi, Jaromu, na Omini, nigo kore ogonchorigwa korwa ase chinsemo chie chibao chinke chia Nephi. Egati yebitabu bia Omini na Mosaya, nigo tokonyora amang’ana a Mormoni, komenterania amang’ana a Nephi, buna obweng’e ase chibao chiria chinke, amo nogokeeyia kwa Mormoni ime ase chibao chiria chinene ase chingaki chikobwatia. Amang’ana a Mormoni nigo akworokia obweng’e bw’okogenderera kwa amariko gete, na korigereria bosio ase amang’ana agocha.

Amariko onsi ase egetabu eke, korwa Mosaya goika Mormoni egesieri 7, aya ande, n’ogoonchoria koria gokeirie kwa Mormoni korwa ase chibao chia Nephi. Ensemo ya nyuma y’ebuku ya Mormoni, korwa omochakano o Mormoni, egesieri 8, goika omoerio bw’egetabu eke, nigo kerikire amo n’omwana o Mormoni okorokwa Moroni, oyio ogendererete goika engaki aikeranetie amang’ana onsi y’obogima bwa ise, na akaba okweng’eyia amang’ana y’egesaku kia Jaredi, buna egetabu kia Etha. Naboigo nyuma akaba okomenta chinsemo gete echio chimanyegete ase tore buna egetabu kia Moroni.

Chingaki ebuku eye ya Mormoni egokwana igoro yaye nigo chichakerete omwaka bwe chimia isano-nemo nyuma Yeso ataraiborwa (B.C.600) goika omwaka chimia inye na merongo ebere nomo ekero Yeso achire igoro (A.D. 421). Ekero ange n’omwaka bw’omoerio Moroni oyomo obo bw’omoerio ase egesaku kia Nephi ase omogano obo, akaboa nakobeka omouri chibao chiria chinchenu, na gochibisa ase omonene, ase okogachwa goika engaki ya amatuko agocha, koreng’ana buna yakwanetwe neriogi ria Nyasae goetera ase ababani baye bakare ime y’omwaka 1827 A.D. Moroni oria oria, obogetigwe agachirwa chibao chiria chiarikire amang’ana y’Omonene ase Joseph Smith.